ଜାଣନ୍ତୁ କେବେ ଓ କେଉଁଠି ହେବ ଆଇପିଏଲର ମେଗା ଅକ୍ସନ?

ନୂଆଦିଲ୍ଲୀ: ଆସନ୍ତା ଫେବ୍ରୁଆରୀରେ ହେବ IPL ମେଗା ଅକ୍ସନ । ସୂଚନା ଅନୁସାରେ ଆସନ୍ତା ଫେବ୍ରୁଆରୀ ୧୧,୧୨ ଓ ୧୩ରେ ବାଙ୍ଗାଲୋରରେ ହେବ ଆଇପିଏଲର ମେଗା ଅକ୍ସନ । ଆଇପିଏଲ ସିଜିନ-୧୫ ପାଇଁ ସମସ୍ତ ୮ ଟିମ୍ ସେମାନଙ୍କ ରିଟେନ ଲିଷ୍ଟ ପୂର୍ବରୁ ଜାରି କରି ସାରିଛନ୍ତି । ଏହା ବ୍ୟତୀତ ନୂଆ କରି ହୋଇଥିବା ଦୁଇଟି ଟିମ୍ ଲକ୍ଷ୍ନୌ ଓ ଅହମଦାବାଦ ମଧ୍ୟ ଖୁବ୍ ଶୀଘ୍ର ସେମାନଙ୍କ ପ୍ରଥମ ୩ ଜଣ ଖେଳାଳିଙ୍କ ନାମ ଘୋଷଣା କରିବେ ।

ଚଳିତ ଥର ଆଇପିଏଲରେ ୮ଟି ଟିମ୍ ବଦଳରେ ଖେଳାଯିବ ୧୦ଟି ଟିମ୍ । ଆଇପିଏଲ ସିଜିନ-୧୫ ଭାରତରେ ହିଁ ଖେଳାଯିବ ବୋଲି ପୂର୍ବରୁ ବିସିସିଆଇ ସଭାପତି ସୌରଭ ଗାଙ୍ଗୁଲି କହିସାରିଛନ୍ତି । ଆଇପିଏଲ ମେଗା ଅକ୍ସନ ପାଇଁ ଜାନୁୟାରୀ ଦ୍ୱିତୀୟ ସପ୍ତାହ ଶେଷ ସୁଦ୍ଧା ଖେଳାଳିଙ୍କ ତାଲିକା ପ୍ରକାଶ ପାଇବ । ଏହି ମେଗା ଅକ୍ସନରେ ସୁରେଶ ରୈନା, ଡ୍ୱେନ ବ୍ରାଭୋ, ହାର୍ଦ୍ଦିକ ପାଣ୍ଡ୍ୟା, କଗିସୋ ରବାଡା, ବେନ ଷ୍ଟୋକ୍ସ ଓ ଡେଭିଡ ଓ୍ୱାର୍ଣ୍ଣରଙ୍କ ଭଳି ଖେଳାଳି ଅଧିକ ଟଙ୍କାରେ କିଣାହେବେ ବୋଲି ଆଣା କରାଯାଉଛି ।