ଲାଲୁ ପ୍ରସାଦଙ୍କୁ କିଡନୀ ଦାନ କଲେ ଝିଅ ରୋହିଣୀ

1 min read

ବାପାଙ୍କ ଲାଗି କିଡନୀ ଦାନ କଲେ ଝିଅ । ରାଷ୍ଟ୍ରୀୟ ଜନତା ଦଳ ନେତା ଲାଲୁ ପ୍ରସାଦ ଯାଦବଙ୍କୁ ନିଜର କିଡନୀ ଦାନ କରିଛନ୍ତି ଝିଅ ରୋହିଣୀ ଆଚାର୍ଯ୍ୟ । ସିଙ୍ଗାପୁରର ଏକ ହସ୍ପିଟାଲରେ ଏହି ପ୍ରତିରୋପଣ ସଫଳ ହୋଇଥିବା ସୂଚନା ମିଳିଛି । ଅପରେସନ ସମ୍ପର୍କରେ ସୂଚନା ଦେଇଛନ୍ତି ଲାଲୁଙ୍କ ଅନ୍ୟତମ କନ୍ୟା ମିସା ଭାରତୀ । ଡକ୍ଟର ରାମ ମନୋହର ଲୋହିୟା ହସ୍ପିଟାଲର ନେଫ୍ରୋଲୋଜି ବିଭାଗ ଡାକ୍ତର ଏଚଏସ ମହାପାତ୍ର କହିଛନ୍ତି-ଟ୍ରାନ୍ସପ୍ଲାଣ୍ଟ ଲାଗି ଉଭୟଙ୍କ ସ୍ବାସ୍ଥ୍ୟାବସ୍ଥା ପ୍ରତି ଧ୍ୟାନ ଦିଆଯାଇଥିଲା ।

ବାପାଙ୍କ କିଡନି ଟ୍ରାନ୍ସପ୍ଲାଣ୍ଟ ସିଙ୍ଗାପୁରରେ ସଫଳ ହୋଇଛି ବୋଲି କହିଛନ୍ତି ପୁଅ ତଥା ବିହାର ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ । ଲାଲୁଙ୍କ କନ୍ୟା ରୋହିଣୀ ସିଙ୍ଗାପୁରରେ ରହୁଥିବାବେଳେ ସେ ତାଙ୍କର କିଡନୀ ଦାନ କରିଛନ୍ତି । ଗତ କିଛି ଦିନ ଧରି ଲାଲୁ ଗୁରୁତର ରୋଗରେ ପୀଡ଼ିତ ଥିବାବେଳେ ତାଙ୍କର କିଡନୀ ନଷ୍ଟ ହୋଇଯାଇଥିଲା । ଆଜି ସିଙ୍ଗାପୁରରେ କିଡନୀ ଟ୍ରାନ୍ସପ୍ଲାଣ୍ଟ ସଫଳତାର ସହ ହୋଇଥିବା ସୂଚନା ଦେଇଛନ୍ତି ପୁଅ ତେଜସ୍ୱୀ ଯାଦବ ।