ୟୁକ୍ରେନ ଉପରେ ଘନ ଘନ ମିଜାଇଲ୍-ବୋମାମାଡ଼, ମେଟ୍ରୋ ଷ୍ଟେସନରେ ଆଶ୍ରୟ ନେଉଛନ୍ତି ଲୋକ

କିଏଭ୍: କେତେବେଳେ ବୋମା ତ କେତେବେଳେ ମିଜାଇଲ୍ । ଆଖି ପିଛୁଳାକେ ଧ୍ୱଂସ ହୋଇଯାଉଛି ସବୁକିଛି । ୟୁକ୍ରେନରେ ସଂହାରଲୀଳା ଚଳାଇଛି ଋଷ । ୟୁକ୍ରେନ୍-ଋଷ ମଧ୍ୟରେ ଯୁଦ୍ଧ ଆରମ୍ଭ ହୋଇ ସାରିଥିବା ବେଳେ ନାଗରିକଙ୍କୁ ସୁରକ୍ଷା ଦେବା ପାଇ ରାଜଧାନୀ କିଏଭରେ ୟୁକ୍ରେନ୍ ଖୋଲିଛି ସେଲ୍ଟର ହୋମ୍ ।

ରାଜଧାନୀ କିଏଭ୍ ଓ ସବୱେର ନିର୍ମିତ ସେଲ୍ଟର ହୋମକୁ ଲୋକଙ୍କୁ ଯିବାକୁ ୟୁକ୍ରେନ୍ ଅପିଲ୍ କରୁଛି । ଖବର ଅନୁସାରେ ଏବେ ଯାଏ କିଏଭ୍ ସେଲ୍ଟରରେ ୫ ହଜାରରୁ ଅଧିକ ଲୋକ ଆଶ୍ରୟ ନେଇ ସାରିଲେଣି । ଋଷର ଆକ୍ରମଣରୁ ବର୍ତ୍ତିବା ଲାଗି ଦୀର୍ଘ ବର୍ଷ ଧରି ଏଭଳି ବମ୍ବ ସେଲ୍ଟର ହୋମ୍ ନିର୍ମାଣ କରୁଥିଲା ୟୁକ୍ରେନ୍ । ଆକାଶରୁ ଖସୁଥିବା ବୋମାରୁ ଏହି ସେଲ୍ଟର ହୋମ୍ ଲୋକଙ୍କୁ ସୁରକ୍ଷା ଦେଇ ପାରିବ ।

ଖାଲି ମେଟ୍ରୋ ନୁହେଁ ୟୁକ୍ରେନର ଦୋକାନ, ମେଟ୍ରୋ ଷ୍ଟେସନ୍, ଅଣ୍ଡରପାସ୍, କୋଲ୍ଡ ବାର ନ୍ୟୁକ୍ଲିୟର ସେଲ୍ଟର ଓ ଷ୍ଟ୍ରିପ୍ କ୍ଲବକୁ ସେଲ୍ଟର ହୋମରେ ପରିବର୍ତ୍ତନ କରାଯାଇଛି । ଲୋକେ ତୁରନ୍ତ ଅଣ୍ଡର ଗ୍ରାଉଣ୍ଡ ମେଟ୍ରୋ ଷ୍ଟେସନ ସେଲ୍ଟରରେ ଶରଣ ନେବାକୁ କୁହାଯାଇଛି । ୟୁକ୍ରେନରେ ପୂର୍ବ ୟୁରୋପର ସବୁଠୁ ବଡ଼ ଓ ସବୁଠୁ ପୁରୁଣା ଅଣ୍ଡରଗ୍ରାଉଣ୍ଡ ରହିଛି ।

ମାର୍ସଲ ଆଇନ୍ ଲାଗୁ ହେବା ପରେ ହଜାର ହଜାର ସଂଖ୍ୟାରେ ଲୋକ ସେଲ୍ଟର ହୋମରେ ଆଶ୍ରୟ ନେଇଛନ୍ତି ।