ମା’ ଫୁଲବତି କ୍ଲବ୍ ଫୁଟବଲ ଟୁର୍ଣ୍ଣାମେଣ୍ଟ ଜିତିଲା କୁଜିମହଲ ଟିମ୍

ଭୁବନେଶ୍ୱର: ଅନ୍ଧାରୁଆର ମା’ ଫୁଲବତି ଫୁଟବଲ କ୍ଲବର ୨୬ତମ ବାର୍ଷିକ ମ୍ୟାଚ୍ ଉଦଯାପିତ ହୋଇଛି । ଫାଇନାଲ ମ୍ୟାଚ ସହ ୫ ଦିନ ଧରି ଚାଲିଥିବା ଟୁର୍ଣ୍ଣମେଣ୍ଟ୍ ଆଜି ସରିଛି । ଆଜି ଫାଇନାଲ ମ୍ୟାଚ୍ ବେସ ସଂଘର୍ଷପୂର୍ଣ୍ଣ ହୋଇଥିଲା । ଫାଇନାଲ ମ୍ୟାଚରେ କୁଜି ମହଲ ଓ ଗୋବିନ୍ଦପୁର ଟିମ୍ ପରସ୍ପରକୁ ଭେଟିଥିଲେ । ମ୍ୟାଚର ନିର୍ଦ୍ଧାରିତ ସମୟରେ କୌଣସି ଟିମ୍ ଗୋଲ ଦେଇ ପାରିନଥିଲେ । ଫଳରେ ଟାଇ ବ୍ରେକରରେ ଫଳାଫଳ ନିର୍ଦ୍ଧାରିତ ହୋଇଥିଲା । ଟାଇବ୍ରେକରରେ କୁଜିମହଲ, ଗୋବିନ୍ଦପୁରକୁ ୪-୩ ଗୋଲରେ ପରାସ୍ତ କରିଥିଲା ।

ମ୍ୟାଚକୁ ରେଫରି ସୁଶାନ୍ତ ମିଶ ଓ ରାଣା ପରିଚାଳନା କରିଥିଲେ । ମ୍ୟାଚ୍ ଶେଷରେ କୁଜିମହଲ ଟିମକୁ ଟ୍ରଫି ପ୍ରଦାନ କରାଯାଇଥିଲା । ଓଡ଼ିଶା ଅର୍ଥ ବିଭାଗର ଫାଇନାନ୍ସ ଜଏଣ୍ଟ ସେକ୍ରେଟେରି ପୀୟୂଷ ପାଣି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଏହି ଅବସରରେ ଜ୍ଞାନରଂଜନ ପ୍ରଧାନ ଓ କ୍ଲବ୍ ସେକ୍ରେଟେରି ହୃଷିକେଶ ନାୟକ ଏବଂ ଅନ୍ୟ ସଦସ୍ୟ ଉପସ୍ଥିତ ଥିଲେ ।