ସୁପ୍ରିମକୋର୍ଟରେ ଆନ୍ଧ୍ରର ଷ୍ଟାଟସ୍ ରିପୋର୍ଟ; ୧୯୫୨ ମସିହାରୁ ନିର୍ବାଚନ କରିଆସୁଥିବା କହିଲା ଆନ୍ଧ୍ର

ନୂଆଦିଲ୍ଲୀ: ସୁପ୍ରିମକୋର୍ଟରେ କୋଟିଆ ମାମଲାର ଶୁଣାଣି ହୋଇଛି । ସୁପ୍ରିମକୋର୍ଟ ରାୟର ଅବମାନନା ଆନ୍ଧ୍ର ସରକାର କରିଛି ବୋଲି ଓଡ଼ିଶା ସରକାର ଅଭିଯୋଗ ଆଣି ସୁପ୍ରିମକୋର୍ଟ ଯାଇଥିଲେ । ଏହି ମାମଲାରେ ଆନ୍ଧ୍ର ସରକାର ନିଜର ଷ୍ଟାଟସ ରିପୋର୍ଟ ଦାଖଲ କରିଛନ୍ତି । ଆନ୍ଧ୍ର ଜବାବର ପ୍ରତି ଜବାବ ଦେବାକୁ ଓଡ଼ିଶା ସରକାରଙ୍କୁ ୪ ସପ୍ତାହର ସମୟ ଦେଇଛନ୍ତି ସୁପ୍ରିମକୋର୍ଟ । ଓଡ଼ିଶା ସରକାରଙ୍କ ଓକିଲ ଶିବଶଙ୍କର ମିଶ୍ର ଏ ନେଇ ସୂଚନା ଦେଇଛନ୍ତି । ଆନ୍ଧ୍ର ସରକାର ତାଙ୍କ ସତ୍ୟପାଠରେ କୋଟିଆ ଗ୍ରାମପୁଞ୍ଜର ବିବାଦୀୟ ୩ଟି ଗାଁରେ ୧୯୫୨ ମସିହାରୁ ନିର୍ବାଚନ କରିଆସୁଛନ୍ତି ବୋଲି ଦର୍ଶାଇଛନ୍ତି । ଓଡ଼ିଶାର କୋଟିଆ ଗାଁରେ ଆନ୍ଧ୍ରର ସରକାର ଜୋରଜବରଦସ୍ତ ପଞ୍ଚାୟତ ନିର୍ବାଚନ କରୁଥିବାରୁ ଏହ ଏବେ ଚର୍ଚ୍ଚାରେ ଅଛି । ସୀମା ବିବାଦକୁ ରାଜେନୖତିକ ଆରୋପ ପ୍ରତ୍ୟାରୋପ ଚାଲିଥିବା ବେଳେ ସୁପ୍ରିମକୋର୍ଟଙ୍କ ପରବର୍ତ୍ତି ଶୁଣାଣି ଉପରେ ସମସ୍ତଙ୍କ ନଜର ରହିବ ।

ଏଥିସହିତ ପଢ଼ନ୍ତୁ: ବନ୍ଧା ହେଲେ ଶିକ୍ଷକ, ଜାଲ୍ ସାର୍ଟିଫିକେଟ୍ ଦେଇ ୬ ବର୍ଷ ହେଲା କରିଥିଲେ ଚାକିରି