ଦୁର୍ଘଟଣା ପରେ ବାତିଲ ହେଲା ୮ ଟ୍ରେନ୍ ଓ ୧୨ ଟ୍ରେନର ରୁଟ୍ ପରିବର୍ତ୍ତନ

ଭୁବନେଶ୍ୱର : ଯାଜପୁର କୋରାଇ ଷ୍ଟେଶନରେ ମାଲଗାଡି ଦୁର୍ଘଟଣା ପ୍ରଭାବ ରେଳ ଚଳାଚଳ ଉପରେ ପଡ଼ିଛି । ଆଗାମୀ ୧୨ ଘଣ୍ଟା ପାଇଁ ଉକ୍ତ ରୁଟରେ ରେଳ ଚଳାଚଳ ସମ୍ପୂର୍ଣ୍ଣ ଭାବେ ପ୍ରଭାବିତ ହେବ । ଦୁର୍ଘଟଣା କାରଣରୁ ଉକ୍ତ ରୁଟରେ ରେଳ ଚଳାଚଳ ବନ୍ଦ ରହିଛି । ଫଳରେ ରେଳବାଇ ୮ ଟି ଟ୍ରେନକୁ ବାତିଲ କରିଥିବା ବେଳେ ୫ ଟ୍ରେନକୁ ଆଂଶିକ ବାତିଲ କରିଛି । ଅନ୍ୟପକ୍ଷରେ ୧୨ ଟ୍ରେନର ଗତିପଥ ପରିବର୍ତ୍ତନ ହୋଇଛି ।
ବାତିଲ ହୋଇଥିବା ଟ୍ରେନ୍
ବାତିଲ ହୋଇଥିବା ଟ୍ରେନ୍ ମଧ୍ୟରେ ହାୱାଡା –ଭୁବନେଶ୍ୱର ଜନଶତାବ୍ଦୀ ଏକ୍ସପ୍ରେସ, ଭୁବନେଶ୍ୱର-ବ୍ରହ୍ମପୁର-ଭୁବନେଶ୍ୱର ପାସେଞ୍ଜର ସ୍ପେଶାଲ ଏକ୍ସପ୍ରେସ, ହାୱାଡା-ପୁରୀ ଶତାବ୍ଦୀ ଏକ୍ସପ୍ରେସ,ହାୱାଡା-ଶାଲିମର ଏକ୍ସପ୍ରେସ,ଭୁବନେଶ୍ୱର-ବାଲେଶ୍ୱର ସ୍ପେଶାଲ ଏକ୍ସପ୍ରେସ,ପୁରୀ-ଶାଲିମାର ଏକ୍ସପ୍ରେସ୍,ଶାଲିମାର-ହାଇଦ୍ରାବାଦ ଏକ୍ସପ୍ରେସ,ପୁରୀ-ଶାଲିମାର ଏକ୍ସପ୍ରେସ, ଶାଲିମାର-ହାଇଦ୍ରାବାଦ ଏକ୍ସପ୍ରେସ,କଟକ-ଭଦ୍ରକ-କଟକ ପାସେଞ୍ଜର ଏକ୍ସପ୍ରେସ,କଟକ ଭଦ୍ରକ ପାସେଞ୍ଜର ସ୍ପେଶାଲସ, ଭୁବନେଶ୍ୱର-ବାଲେଶ୍ୱର ପାସେଞ୍ଜର ସ୍ପେଶାଲ
ଆଂଶିକ ବାତିଲ ଟ୍ରେନ୍
୫ଟ୍ରେନ ଆଂଶିକ ବାତିଲ ହୋଇଛି । ବାଙ୍ଗିରିପୋଷୀ-ଭୁବନେଶ୍ୱର ଏକ୍ସପ୍ରେସ ସୋରୋ ଯାଏଁ ଯିବ । ସେହିଭଳି ଭୁବନେଶ୍ୱର-ହାୱଡା ଜନଶତାବ୍ଦୀ ଏକ୍ସପ୍ରେସ । ପୁରୀ-ହାୱାଡା ଶତାବ୍ଦୀ ଏକ୍ସପ୍ରେସ ଯାଜପୁର ଯାଏଁ ଯିବ । ବାଲେଶ୍ୱର-ଭୁବନେଶ୍ୱର ପାସେଞ୍ଜର ସ୍ପେଶାଲ ଟ୍ରେନ୍ କେନୁଅପଡା ଯାଏ ଯିବ । ଖଡ଼ଗପୁର-ଖୋର୍ଦ୍ଧା ଏକ୍ସପ୍ରେସ ମଧ୍ୟ ଭଦ୍ରକ ଯାଏ ଚାଲିବ ।

ବଦଳିଲା ୧୨ ଟ୍ରେନର ରୁଟ୍
ଅନ୍ୟପକ୍ଷରେ ୧୨ଟି ଟ୍ରେନର ରୁଟ୍ ବଦଳାଯାଇଛି । ଦିବ୍ରୁଗଡ-କନ୍ୟାକୁମାରୀ,ହାୱାଡା-ସିକନ୍ଦରାବାଦ ଫଲକନୁମା ଏକ୍ସପ୍ରେସ,ଆନନ୍ଦ ବିହାର-ପୁରୀ ନିଳାଚଳ ଏକ୍ସପ୍ରେସ,ପୁରୁଲିଆ-ଭିଲୁପୁରମ ଏକ୍ସପ୍ରେସର ରୁଟ୍ ବଦଳିଛି । ସେହିଭଳି ହାଇଦ୍ରାବାଦ-ଶାଲିମାର ଇଷ୍ଟ୍ କୋଷ୍ଟ୍ ଏକ୍ସପ୍ରେସ,ପୁରୀ-ଋଶିକେଶ କଳିଙ୍ଗ ଉତ୍କଳ ଏକ୍ସପ୍ରେସ,ବାଙ୍ଗାଲୋର-ଶାନ୍ତରାଗାଚି ଏକ୍ସପ୍ରେସ,ତ୍ରିଭାନ୍ଦ୍ରମ-ଶାଲିମାର ଏକ୍ସପ୍ରେସ,ତିରୁପତି ହାୱାଡା ଏକ୍ସପ୍ରେସ, ବାଙ୍ଗାଲୋର-ହାୱାଡା ଏକ୍ସପ୍ରେସ,ବାଙ୍ଗାଲୋର-ଜସିଡିହ ଏକ୍ସପ୍ରେସ,ଚେନ୍ନାଇ-ଶାନ୍ତ୍ରାଗାଚି ଏକ୍ସପ୍ରେସ,ଭୁବନେଶ୍ୱର-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସର ରୁଟ୍ ପରିବର୍ତ୍ତନ ହୋଇଛି ।