‘କୋଣାର୍କ କ୍ୟାନସର ଫାଉଣ୍ଡେସନ’ ପକ୍ଷରୁ ସଚେତନତା କାର୍ଯ୍ୟକ୍ରମ ଆୟୋଜିତ

ଭୁବନେଶ୍ୱର: କ୍ୟାନସର ରୋଗୀଙ୍କ ଭରସା ସାଜିଛି କୋଣାର୍କ କ୍ୟାନସର ଫାଉଣ୍ଡେସନ। କ୍ୟାନସର ଫାଉଣ୍ଡେସନର ବାର୍ଷିକ ସମ୍ମିଳନୀରେ କ୍ୟାନସର ସଚେତନତା କାର୍ଯ୍ୟକ୍ରମ ଆୟୋଜିତ ହୋଇଛି। ମ୍ୟାନେଜିଂ ଟ୍ରଷ୍ଟି ଅରୁପ ପଟ୍ଟନାୟକ ‘କୋଣାର୍କ କ୍ୟାନସର ଫାଉଣ୍ଡେସନ’ର ବାର୍ଷିକ ବିବରଣୀ ଉପରେ ବର୍ଣ୍ଣନା କରିଥିଲେ।

ଫାଉଣ୍ଡେସନ ତରଫରୁ ରେଫର୍ କରାଯାଇଥିବା ତଥା ମୁମ୍ବାଇରେ ସହାୟତା ଆବଶ୍ୟକ କରୁଥିବା ରୋଗୀ ମାନଙ୍କୁ ବିଭିନ୍ନ ସ୍ବାସ୍ଥ୍ୟ ଯୋଜନା, ଡାକ୍ତରଖାନାରେ କାଗଜପତ୍ର ପ୍ରକ୍ରିୟାରେ ସହାୟତା କରାଯାଇଛି। ଚିକିତ୍ସା ପାଇଁ ଆଭ୍ୟନ୍ତରୀଣ ସମନ୍ବୟ ରକ୍ଷା କରିବା ସହିତ ରୋଗୀ ଏବଂ ସେମାନଙ୍କ ପରିବାର ସଦସ୍ୟଙ୍କୁ ଡାକ୍ତରଖାନାରେ ସୁଲଭ ମୂଲ୍ୟରେ ରହିବା ପାଇଁ ବ୍ୟବସ୍ଥା କରାଇଦେବା ଭଳି ବିଭିନ୍ନ ସହାୟତା ବିଷୟରେ ଅବଗତ କରିଥିଲେ।

ତେବେ କୋଣାର୍କ କ୍ୟାନସର ଫାଉଣ୍ଡେସନ ପ୍ରତ୍ୟେକ କର୍କଟ ରୋଗୀଙ୍କୁ ନିଜ ପରିବାରର ଏକ ସଦସ୍ୟ ରୂପେ ଗ୍ରହଣ କରି ସେମାନଙ୍କୁ ଉତ୍ତମ ସେବା ଯୋଗାଇବା ଉପରେ ଆଲୋକପାତ କରିଥିଲେ ଅରୂପ ପଟ୍ଟନାୟକ ।