ନିଶାରେ ପୁଅକୁ ମାରିଦେଲା ବାପା, ନିଶା ଛାଡ଼ିବା ପରେ..

ନନ୍ଦିଘୋଷ ବ୍ୟୁରୋ: ପୁଅକୁ ହତ୍ୟାକଲା ନିଶାଗ୍ରସ୍ତ ବାପା । ଏଭଳି ଅଭିଯୋଗ ଆସିଛି ପଶ୍ଚିମବଙ୍ଗ ଉତ୍ତର ୨୪ ପରଗଣା ଜିଲ୍ଲା ବନ ଗାଁରୁ । ଗତକାଲି ରାତିରେ ଏହି ଗାଁର ଅମଲ ବିଶ୍ୱାସ ମଦ ପିଇ ଘରକୁ ଫେରିଥିଲା । ଫଳରେ ତାଙ୍କ ପତ୍ନୀ ଓ ପୁଅ ସହିତ ବଚସା ହୋଇଥିଲା । ଏଥିରେ ଅମଲ ଉଗ୍ର ହୋଇ ପୁଅ ଆଶିଷ ବିଶ୍ବାସକୁ ହତ୍ୟା କରିଥିଲା । ଏନେଇ ଆଶିଷଙ୍କ ମା’ ଥାନାରେ ଅଭିଯୋଗ କରିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇଛି । ଏହାସହ ଅଭିଯୁକ୍ତ ଅମଲକୁ ଗିରଫ କରିଛି ପୋଲିସ । ତେବେ ନିଶାଗ୍ରସ୍ତ ଅବସ୍ଥାରେ ପୁଅକୁ  ହତ୍ୟା କରିଥିବା ଅମଲ ସ୍ବୀକାର କରିଛି ।