ମଝି ଆକାଶରୁ ଖସିପଡ଼ିଲା ବାସ୍କେଟ୍ ବଲ୍ ଖେଳାଳିଙ୍କ ହେଲିକପ୍ଟର
ବ୍ୟୁରୋ ରିପୋର୍ଟ: ବାସ୍କେଟ୍ ବଲ କିମ୍ବଦନ୍ତୀ କୋବୀ ବ୍ରାଏଣ୍ଟଙ୍କର ହେଲିକପ୍ଟର ଦୁର୍ଘଟଣାରେ ମୃତ୍ୟୁ ହୋଇଛି । କାର୍ଲିଫର୍ଣ୍ଣିଆର କେଲାବେସସରେ ହୋଇଥିବା ହେଲିକପ୍ଟ ଦୁର୍ଘଟଣାରେ ତାଙ୍କର ମୃତ୍ୟୁ ହୋଇଛି । ଦୁର୍ଘଟଣାରେ ବ୍ରାଏଣ୍ଟଙ୍କ ୧୩ ବର୍ଷର ଝିଅ ସମେତ ମୋଟ୍ ୯ଜଣଙ୍କ ମୃତ୍ୟୁ ହୋଇଛି ।
ଲସ୍ ଆଞ୍ଜେଲସଠାରୁ ୬୫ କିଲୋମିଟର ଦୂରରେ କୋବୀଙ୍କ ପ୍ରାଇଭେଟ୍ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି । ହେଲିକପ୍ଟରଟି ଉଡୁଥିବା ବେଳେ ଏଥିରେ ନିଆଁ ଲାଗିଯାଇଥିଲା । ଫଳରେ ଏହା ତଳେ ଖସିପଡିଥିଲା । ତେବେ ହେଲିକପ୍ଟରରେ କେମିତି ନିଆଁ ଲାଗିଲା ସେନେଇ ସ୍ପଷ୍ଟ ହୋଇନି ।
ଦୁର୍ଘଟଣା ନେଇ ତଦନ୍ତ କରାଯାଉଛି । ଲୋକପ୍ରିୟ ନାସନାଲ ବାସ୍କେଟ୍ବଲ ଆସୋସିଏସନ୍ରେ କୋବୀ ୨୦ ବର୍ଷ ଧରି ରହିଥିଲେ । ଏହି ସମୟରେ ୫ଥର ଚାମ୍ପିଅନ୍ ହୋଇଥିଲେ । ତାଙ୍କ ମୃତ୍ୟୁରେ ପ୍ରଶଂସକ ଶୋକ ପ୍ରକାଶ କରିଛନ୍ତି ।
