ବାପ-ପୁଅଙ୍କୁ ନିର୍ଯାତନା ମାମଲା, ରିମାଣ୍ଡରେ ଗଲେ ୩ ଅଭିଯୁକ୍ତ

ଖୋର୍ଦ୍ଧା: ବେଗୁନିଆ ଅଞ୍ଚଳରେ ବାପପୁଅଙ୍କୁ ନିର୍ଯାତନା ମାମଲାରେ ତିନି ଜଣଙ୍କୁ ରିମାଣ୍ଡରେ ନେଇଛି ପୋଲିସ । ବାପା ମାଗୁଣି ବେଗୁନିଆ ଥାନାରେ ୭ଜଣଙ୍କ ନାଁରେ ଅଭିଯୋଗ କରିଥିଲେ। ଅଭିଯୋଗ କ୍ରମେ ଅନ୍ୟ ଏକ ହତ୍ୟାକାଣ୍ଡ ମାମଲାରେ ଗିରଫ ହୋଇଥିବା ୬ଜଣ ମାଗୁଣିଙ୍କୁ ଆକ୍ରମଣ ଘଟଣାରେ ସାମିଲ ଥିଲେ । ସେମାନଙ୍କ ମଧ୍ୟରୁ ତିନି ଜଣଙ୍କୁ ରିମାଣ୍ଡରେ ନେଇଛି ପୋଲିସ । ୪ ଦିନ ପାଇଁ ପୋଲିସ ରିମାଣ୍ଡ ମାଗିଥିଲା । କିନ୍ତୁ ତିନି ଦିନ ନେବା ପାଇଁ ଅନୁମତି ଦେଇଛନ୍ତି କୋର୍ଟ ।

କିଛିଦିନ ତଳେ ମାନବବାଦ ନମରେ ଏକ ଗୋଷ୍ଠୀର କିଛି ବ୍ୟକ୍ତି ଉକ୍ତ ବାପ-ପୁଅକିୁ ଅତର୍କିତ ମାଡ ମାରିଥିବା ନେଇ ସୋସିଆଲ ମିଡିଆରେ ଭିଡିଓ ଭାିରାଲ ହୋଇଥିଲା  । ଏହା ପରେ ଉକ୍ତ ବ୍ୟକ୍ତି ଜଣଙ୍କ ଥାନାରେ ଅଭିଯୋଗ କରିଥିଲେ  ।  ପୋଲିସ ତ୍ୱରିତ ସନ୍ଧାନ କରିବା ସହ ଉକ୍ତ ମାମଲାରେ ୬ ଜଣଙ୍କୁ ଗିରଫ କରିଛି  । ଏମାନଙ୍କ ମଧ୍ୟରୁ ତିନି ଜଣଙ୍କୁ ରିମାଣ୍ଡରେ ମଧ୍ୟ ନେଇଛି ପୋଲିସ  । ତେବେ କାହିଁକି ଏବଂ କେଉଁ ଉଦେଶ୍ୟରେ ଏମାନେ ଆକ୍ରମଣ କରୁଥିଲେ ତାହାର ସତ୍ୟତା ଖୋଜୁଛି ପୋଲିସ  ।