ନନ୍ଦିଘୋଷ ବ୍ୟୁରୋ : କିଛି ବର୍ଷ ବ୍ୟବଧାନ ପରେ ପୁଣି ଖୋର୍ଦ୍ଧାରେ ଆରମ୍ଭ ହୋଇଛି ବେଆଇନ ଜିଲୋଟିନ୍, ଡେଟୋନେଟର କାରବାର। ବେଆଇନ ବିସ୍ଫୋରକ ସାମଗ୍ରୀ କାରବାର ଅଭିଯୋଗରେ ୩ ଜଣଙ୍କୁ ଗିରଫ କରିଛି ଖୋର୍ଦ୍ଧା ସଦର ଥାନା ପୋଲିସ। ବହୁ ପରିମାଣର ବିସ୍ଫୋରକ ସାମଗ୍ରୀ, ନଗଦ ଟଙ୍କା ଓ ଯାନବାହନ ଜବତ ହୋଇଛି । ସଦର ଥାନା ତାପଙ୍ଗ ପାହାଡ଼ ନିକଟ ଗ୍ରୀନ୍ ଲେକ୍ ଅଞ୍ଚଳରେ ବେଆଇନ ବିସ୍ଫୋରକ ସାମଗ୍ରୀ କାରବାର ସମ୍ପର୍କରେ ସୂଚନା ପାଇ ପୋଲିସ ଚଢ଼ାଉ କରିଥିଲା। ଚଢ଼ାଉ ବେଳେ ୩ ଜଣ ସନ୍ଦିଗ୍ଧଙ୍କୁ କାବୁ କରାଯାଇଥିଲା।ସେମାନଙ୍କ ନିକଟରୁ ୧୦୦ଟି ଡେଟୋନେଟର, ୨୦୦ଟି ଜିଲୋଟିନ୍ ଷ୍ଟିକ୍, ୬ ଲକ୍ଷ ୮୦ ହଜାର ନଗଦ ଟଙ୍କା , ୩ଟି ମୋବାଇଲ୍ , ୩ଟି ଗାଡ଼ି ଜବତ କରାଯାଇଛି। ପ୍ରେସମିଟରେ ସୂଚନା ଦେଇଛନ୍ତି ଖୋର୍ଦ୍ଧା ଏସପି ।
