ସାଧୁସନ୍ଥଙ୍କ ଉପସ୍ଥିତିରେ ଚାଲିଛି ଗୁପ୍ତ ଗଙ୍ଗାଙ୍କ ଆରାଧନା

ଭୁବନେଶ୍ବର ; ଖଣ୍ଡଗିରିରେ ଗୁପ୍ତଗଙ୍ଗା । ରହସ୍ଯମୟ ଗୁମ୍ଫାରେ ଚାଲିଛି ପୂଜାର୍ଚ୍ଚନା । ସୁଡ଼ଙ୍ଗ ଭିତରେ ଯାଇ ଦର୍ଶନ କରୁଛନ୍ତି ଶ୍ରଦ୍ଧାଳୁ । ମାଘ ମେଳା ଅବସରରେ ଗୁମ୍ଫାରେ ଜମିଛି ସାଧୁ ସନ୍ଥଙ୍କ ମେଳି । ଜଙ୍ଗଲ ଭିତରେ ଅନେକ ପଥ ଅତିକ୍ରମ କରିବା ପରେ ସେହି ଗୁପ୍ତ ସୁଡ଼ଙ୍ଗ ନିକଟରେ ପହଞ୍ଚିଥିଲା ଆମ କ୍ଯାମେରା ଟିମ୍ । ଯେଉଁଠି ଚାଲିଥିଲା ପୂଜାର୍ଚ୍ଚନା । ସୁଡ଼ଙ୍ଗ ଭିତରେ ନଇଁ ନଇଁ ଅନେକ ବାଟ ଯିବା ପରେ ରହିଛି ଏହି ପବିତ୍ର ସ୍ଥାନ । ଜନାଦ୍ରୁତ ରହିଛି, ମହାଦେବ ମାଆ ଗଙ୍ଗାଙ୍କୁ ଏଠାରେ ଲୁଚାଇ ରଖିଥିଲେ । ଏହି ରହସ୍ଯମୟ ସୁଡ଼ଙ୍ଗ ଏକାମ୍ର କ୍ଷେତ୍ର ବିନ୍ଦୁ ସାଗର ପର୍ଯ୍ଯନ୍ତ ବ୍ଯାପିଥିବା ଲୋକେ କହିଛନ୍ତି ।

ମାଘ ମେଳା ପାଇଁ ହର ହର ମହାଦେବ ଧ୍ବନିରେ ପ୍ରକମ୍ପିତ ହେଉଛି ପରିବେଶ । ବାବାଙ୍କ ମେଳିରେ ଚାଲିଛି ସ୍ବତନ୍ତ୍ର ପୂଜା । ହୋମ ଯଜ୍ଞରେ ସୃଷ୍ଟି ହୋଇଛି ଆଧ୍ଯାତ୍ମୀକ ପରିବେଶ । ଅନେକ ଶ୍ରଦ୍ଧାଳୁ ବିଭିନ୍ନ ଗୁମ୍ଫା ବୁଲି ବାବାଙ୍କ ଆଶୀର୍ବାଦ ନେବା ସହ ଗୁପ୍ତ ଗଙ୍ଗାଙ୍କ ଦର୍ଶନ ପାଇଁ ଭିଡ଼ ଜମାଇଛନ୍ତି । ପବିଦ୍ର ଜଳକୁ ପ୍ରସାଦ ସ୍ବରୂପ ଗ୍ରହଣ କରୁଛନ୍ତି । ଏପଟେ ଯାତ୍ରା ଯେତିକି ଗଡ଼ି ଗଡ଼ି ଯାଉଛି ଭିଡ଼ ବି ସେତିକି ବଢିବାରେ ଲାଗିଛି । ସଂଧ୍ଯା ହେଲେ ମେଳା ବୁଲିବା ସହ ପବିତ୍ର ଯଜ୍ଞବେଦୀକୁ ଦର୍ଶନ କରି କୃତାର୍ଥ ହେଉଛନ୍ତି ଶ୍ରଦ୍ଧାଳୁ ।