କୁଲଗାମରେ ଏନକାଉଣ୍ଟର, ଲସ୍କର କମାଣ୍ଡର ସମେତ ୨ ଆତଙ୍କବାଦୀ ନିହତ

1 min read
Kashmir Kulgam Encounter Two Let Militants Killed

ନୂଆଦିଲ୍ଲୀ: ଜମ୍ମୁ କାଶ୍ମୀରରେ ଜାରି ରହିଛି ଆତଙ୍କବାଦୀ ନିପାତ ଅଭିଯାନ । କୁଲଗାମ ଅଞ୍ଚଳରେ ଆତଙ୍କବାଦୀ ସଂଗଠନ ଲସ୍କର ଏ ତୋଇବାର ୨ ଆତଙ୍କବାଦୀଙ୍କୁ ସେନା ଗୁଳି କରି ମାରିଛି । ଏହି ଆତଙ୍କବାଦୀ ଏକ ଗାଁରେ ଛପିଥିବା ନେଇ ସୂଚନା ମିଳିଥିଲା । ଯାହାପରେ ଆରମ୍ଭ ହୋଇଥିଲା ସର୍ଚ୍ଚ ଅପରେସନ୍ ।

କାଶ୍ମୀର ଆଇଜିପି ବିଜୟ କୁମାର କହିଛନ୍ତି, ଶନିବାର ଖବର ମିଳିଥିଲା ୨ ଜଣ ଆତଙ୍କବାଦୀ ଗାଁରେ ଲୁଚିଛନ୍ତି । ଯାହାପରେ ସର୍ଚ୍ଚ ଅପରେସନ୍ ଆରମ୍ଭ କରିଥିଲେ ସୁରକ୍ଷାକର୍ମୀ । ଅଞ୍ଚଳକୁ ଘେରିଯିବା ସହ ଆରମ୍ଭ ହୋଇଥିଲା ଗୁଳି ବିନିମୟ । କିଛି ଘଣ୍ଟା ଧରି ଉଭୟ ପକ୍ଷରୁ ଫାୟାରିଂ ପରେ ଲସ୍କର ଏ ତୋଇବା ଆତଙ୍କବାଦୀ ନିହତ ହୋଇଛନ୍ତି ।

ନିହତ ଆତଙ୍କବାଦୀ ମଧ୍ୟରୁ ହାଇଦର ପାକିସ୍ତାନର ବୋଲି ଜଣାପଡ଼ିଛି । ଯିଏ କି ଲସ୍କରର କମାଣ୍ଡର ଥିଲା । ସୁରକ୍ଷାକର୍ମୀ ଦିର୍ଘ ଦିନରୁ ହାଇଦରକୁ ଖୋଜୁଥିଲେ । ସେନା ପାଇଁ ହାଇଦର ମୋଷ୍ଟ ୱାଣ୍ଟେଡ ଥିଲା । ନିହତ ଆଉ ଜଣେ ଆତଙ୍କବାଦୀ ହେଉଛି ଶହବାଜ ଶାହ । ଯିଏ କି କାଶ୍ମୀରର । ଯିଏକି କିଛିଦିନ ତଳେ କୁଲଗାମରେ ଜଣେ ସାଧାରଣ ଲୋକକୁ ଗୁଳି କରି ହତ୍ୟା କରିଥିଲା । ନିହତ ଆତଙ୍କବାଦୀଙ୍କ ଠାରୁ ଏକେ-୪୭, ଗୋଟିଏ ପିସ୍ତଲ ଓ ଗ୍ରେନେଡ୍ ମିଳିଛି ।