ଲଗାଣ ବର୍ଷାରେ ଫୁଲୁଛି କାଂସବାଂଶ ନଦୀର ଜଳସ୍ତର, ଚିନ୍ତାରେ ନଦୀକୂଳବାସୀ

ବାଲେଶ୍ୱର: ବାତ୍ୟା ଚାଲିଯାଇଛି ହେଲେ ଦୁଃଖ ଲୋକମାନଙ୍କର ବଢ଼ି ଚାଲିଛି । ଲଗାଣ ବର୍ଷାରେ ଫୁଲୁଛି କାଂସବାଂଶ ନଦୀର ଜଳସ୍ତର । ଚିନ୍ତାରେ ନଦୀ କୂଳିଆବାସୀ ଯଦି ଆଜି ଦିନ ସାରା ବର୍ଷା ଲାଗି ରୁହେ ତେବେ ଗ୍ରାମ ଭିତରେ ପାଣି ପଶିବା ନେଇ ଆଶଙ୍କା କରାଯାଉଛି । ଯାହାକୁ ନେଇ ଭୟଭୀତ ଅବସ୍ଥାରେ ଅଛନ୍ତି ଗ୍ରାମବସୀ । ସେଠାରେ ଦମକଳ ବାହିନି ଓ ଓଡ୍ରାଫ ଟିମର କୌଣସି ଦେଖାନଥିବା ଅଭିଯୋଗ ହୋଇଛି ।  ଏବେବି ଘର ଉପରେ ଓ ମୁଖ୍ୟ ରାସ୍ତାରେ ପଡି ରହିଛି ବଡ଼ ବଡ଼ ଗଛ ।

ଅନ୍ୟପଟେ ମିରିପୁର ଖଇରା ଗ୍ରାମରେ ବିଲୁଆ ଆକ୍ରମଣ ରେ ୩ ଜଣ ଗୁରୁତର ହୋଇଛନ୍ତି । ରାସ୍ତା ଅବରୋଧ ଯୋଗୁଁ ପହଁଚି ଆମ୍ବୁଲାନ୍ସ ଯାଇପାରୁନାହିଁ । ଗୁରୁତର ହୋଇପଡିଛନ୍ତି ୮୦ ବର୍ଷର ବୃଦ୍ଧା, ମେଡିକାଲ ଯାଇନପାରି ଯନ୍ତ୍ରଣାରେ ଛଟପଟ ହେଉଛନ୍ତି ବୃଦ୍ଧା ।