ଅନେକଙ୍କୁ କରୋନା ବିପଦରେ ପକାଇ…କୋନିକାଙ୍କ ଡାକ୍ତରଙ୍କ ସହ ଅଭଦ୍ରାମି!

ଲକ୍ଷ୍ନୌ: ନିକଟରେ ବଲିଉଡର ପ୍ରସିଦ୍ଧ ଗାୟିକ କନିକା କପୁରଙ୍କୁ କରୋନା ଭାଇରସ୍ ପଜିଟିଭ୍ ବୋଲି ଜଣାପଡିଛି। ସେ ଲକ୍ଷ୍ନୌରେ ଆୟୋଜିତ ଏକ ପାର୍ଟିରେ ସାମିଲ ହୋଇଥିଲେ । ଏହି ସମୟରେ କନିକା ମଧ୍ୟ ତାଙ୍କ ସ୍ୱାସ୍ଥ୍ୟବସ୍ଥା ଲୁଚାଇଥିବା ଅଭିଯୋଗ ହୋଇଛି। ଏବେ ସେ ଲକ୍ଷ୍ନୌରେ ଚିକିତ୍ସିତ ହେଉଛନ୍ତି । ଅନେକ ଲୋକ ତାଙ୍କୁ ବଲିଉଡରେ ସମର୍ଥନ କରୁଥିବାବେଳେ କିଛି ଲୋକ ତାଙ୍କୁ ବହୁତ ଖରାପ ବୋଲି କହିଛନ୍ତି। କନିକାଙ୍କ ବିରୋଧରେ ମାମଲା ରୁଜୁ କରାଯାଇଛି। ଏହି ସମୟରେ, କରୋନା ପଜିଟିଭ୍ କନିକା କପୁରଙ୍କ ନେଇ ଆଉ ଏକ ଖବର ସାମ୍ନାକୁ ଆସିଛି । କନିକାଙ୍କୁ ଏବେ ଏକ ଡାକ୍ତରଖାନାରେ ଭର୍ତ୍ତି କରାଯାଇଛି ।

ସେହି ଡାକ୍ତରଖାନାର କର୍ମଚାରୀମାନେ ତାଙ୍କ ନଖରା ଯୋଗୁଁ ବିରକ୍ତ ହେଉଛନ୍ତି। ନିଜେ ଡାକ୍ତର ମଧ୍ୟ କନିକାଙ୍କ ଆଚରଣ ବିଷୟରେ କହିଛନ୍ତି। ଲକ୍ଷ୍ନୌରେ କପୁରଙ୍କ ଚିକିତ୍ସା ଚାଲିଛି। ତାଙ୍କ ବ୍ୟବହାର ଯୋଗୁଁ ସମସ୍ତେ ନିଜର ଅସନ୍ତୋଷ ପ୍ରକାଶ କରିଛନ୍ତି। ଲକ୍ଷ୍ନୌ ସ୍ଥିତ ସଞ୍ଜୟ ଗାନ୍ଧୀ ପୋଷ୍ଟ ଗ୍ରାଜୁଏଟ୍ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (SGPGI) ର ନିର୍ଦ୍ଦେଶକ କନିକାଙ୍କୁ ଚିକିତ୍ସାରେ ସହଯୋଗ କରୁନଥିବା ଅଭିଯୋଗ କରିଛନ୍ତି ଅଭିନେତ୍ରୀ।

ନିର୍ଦ୍ଦେଶକଙ୍କ କହିବା ଅନୁସାରେ କନିକାଙ୍କୁ ସମସ୍ତ ଆବଶ୍ୟକୀୟ ତଥା ଭଲ ସୁବିଧା ଯୋଗାଇ ଦିଆଯାଇଛି। ତାଙ୍କର ଅଲଗା ରୁମ୍ , ବାଥରୁମ୍, ଟିଭି ସହିତ ଅନ୍ୟାନ୍ୟ ସୁବିଧା ମଧ୍ୟ ଦିଆଯାଇଛି । ତାଙ୍କୁ ହସ୍ପିଟାଲ କ୍ୟାଣ୍ଟିନରୁ ଅଲଗା ଖାଦ୍ୟ ଦିଆଯାଉଛି  । ଏହା ସତ୍ତ୍ୱେ ସେ ତାଙ୍କର ବ୍ୟବହାର ଖରାପ କରୁଛନ୍ତି । ସେ ରୋଗୀ ଅପେକ୍ଷା ଜଣେ ଷ୍ଟାର ଭଳି ବ୍ୟବହାର କରୁଛନ୍ତି । ଯେଉଁଥିପାଇଁ କର୍ମଚାରୀ ଅସନ୍ତୋଷ ପ୍ରକାଶ କରିଛନ୍ତି । ଡାକ୍ତରଙ୍କ କହିବା ଅନୁସାରେ କନିକା ଭୁଲିଯାଉଛନ୍ତି ଯେ, ସେ ହସ୍ଟିପିଟାଲରେ ଅଛନ୍ତି । ଏତେ ନଖରା କଲେ କେହି ସହିବେ ନାହିଁ ।

ଏହାପୂର୍ବରୁ କନିକା କପୁର ମଧ୍ୟ ଡାକ୍ତରଖାନାର ଅଭିଯୋଗ କରିଥିଲେ। ସେ କହିଛନ୍ତି ଯେ ଡାକ୍ତରମାନେ ତାଙ୍କୁ ଧମକ ଦେଉଛନ୍ତି ଯେ ସେ ଏକ ବଡ ଭୁଲ କରିଛନ୍ତି। ସେ ଟେଷ୍ଟ ନକରି ଚାରିଆଡେ ବୁଲିଛନ୍ତି । କନିକାଙ୍କ କହିବା ଅନୁସାରେ ସେ ଏଭଳି କିଛି କରି ନାହଁନ୍ତି। ସେ ଅଭିଯୋଗ କରିଥିଲେ ଯେ, ‘ ସେଠାରେ ଖାଇବା ପିଇବା କିଛି ନାହିଁ, ପାଣି ନାହିଁ। ସେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି ।