ଫିଲ୍ମ ’ଏମରଜେନ୍ସି’ ବିବାଦ ଭିତରେ ଏମିତି କହିଲେ କଙ୍ଗନା

ନନ୍ଦିଘୋଷ ବ୍ୟୁରୋ: ଅଭିନେତ୍ରୀ କଙ୍ଗନା ରଣାଓ୍ବତଙ୍କ ଅଭିନୀତ ଫିଲ୍ମ ଏରମଜେନ୍ସି ଆସନ୍ତା ମାସ ୬ ତାରିଖରେ ରିଲିଜ ହେବାକୁ ଯାଉଛି । ରିଲିଜ ହେବା ପୂର୍ବରୁ ବିବାଦରେ ରହିଥିବା ଏହି ଫିଲ୍ମକୁ ନେଇ ଏବେ ସବୁଠି ଚର୍ଚ୍ଚା । ତେବେ ଶିଖଙ୍କ ବିରୋଧରେ ଫିଲ୍ମରେ କିଛି ଦୃଶ୍ୟ ସ୍ଥାନ ପାଇଥିବାକୁ ନେଇ ପଞ୍ଜାବରେ ଫିଲ୍ମ ରିଲିଜ କରାଇ ଦେବାକୁ ଅପିଲ କରାଯାଇଛି । ଏମିତି କଙ୍ଗନାଙ୍କୁ ମଧ୍ୟ ହତ୍ୟା ଧମକ ମିଳିଛି । ତେବେ ଏହାକୁ ନେଇ ଏକ ଜାତୀୟ ଗଣମାଧ୍ୟମକୁ ନିଜର ପ୍ରତିକ୍ରିୟା ଦେବାକୁ ଯାଇ କଙ୍ଗନା କହିଛନ୍ତି କି, ବହୁ ଲୋକ ମୋତେ ଗାଳି ଦେଉଛନ୍ତି ଆଉ ହତ୍ୟା ଧମକ ଦେଇଛନ୍ତି । କିନ୍ତୁ ମୁଁ ଏହାକୁ ଡରେ ନାହିଁ । ଦେଶର ସ୍ବର ହେବାକୁ ଚାହୁଁଛି । ଏହି ଫିଲ୍ମଟି ତଥ୍ୟ ଉପରେ ଆଧାରିତ ଏଣୁ ଲୋକେ ସବୁକିଛି ଜାଣିବା ଦରକାର । ଏଣୁ ମୋତେ ଗୁଳି କଲେ ମଧ୍ୟ ମୋର ଡର ନାହିଁ ।

ପଞ୍ଜାବରେ ଫିଲ୍ମକୁ ନେଇ ରିଲିଜ ପୂର୍ବରୁ ଜୋରଦାର ବିରୋଧ ପ୍ରଦର୍ଶନ କରାଯାଇଛି । ରିଲିଜ ନକରାଇବା ପାଇଁ ଦାବି କରାଯାଇଥିବାବେଳେ ଟ୍ରେଲରରେ ଶିଖଙ୍କୁ ଭୁଲ ଢ଼ଙ୍ଗରେ ଚିତ୍ରଣ କରାଯାଇଥିବା ଅଭିଯୋଗ କରାଯାଇଛି । ଯେଉଁ କାରଣରୁ ଟ୍ରେଲରକୁ ଉଡ଼ାଇବା ସହ ଭୁଲ ମାଗିବା ପାଇଁ ମଧ୍ୟ ଦାବି କରାଯାଇଛି ।