ଚକମା ଦେଇ ଖସିଥିଲା, ବର୍ଷେ ପରେ କାଳିଆକୁ ଗିରଫ କଲା ପୋଲିସ୍

ନନ୍ଦିଘୋଷ ବ୍ୟୁରୋ: ପୋଲିସକୁ ଚକମା ଦେଇ ଫେରାର ଅଭିଯୁକ୍ତକୁ ବର୍ଷେ ପରେ ଗିରଫ କଲା ପୋଲିସ୍ । ଜଣେ ନାବାଳିକାକୁ ଅପହରଣ ଓ ବଳାତ୍କାର ଅଭିଯୋଗରେ ପୋଲିସ୍ ଦ୍ବାରା ଗିରଫ ହୋଇଥିଲା ଅଭିଯୁକ୍ତ କାଳିଆ ବେହେରା । ତେବେ ପୋଲିସକୁ ଚକମା ଦେଇ ଥାନାରୁ ଫେରାର ହୋଇଯାଇଥିଲା । ପୋକ୍ସୋ ଆକ୍ଟରେ ପୋଲିସ ଥାନାକୁ ଆଣିଥିବାବେଳେ ଚକମା ଦେଇ ଫେରାର ହୋଇଯାଇଥିଲା । ତେବେ ବର୍ଷେ ପରେ ପୁଣି କାଳିଆକୁ ଗିରଫ କରିଛି ଭୁବନେଶ୍ବର ଲିଙ୍ଗରାଜ ଥାନା ପୋଲିସ୍ । ୨୦୨୩ ଅକ୍ଟୋବର ୧୦ରେ ଓଲ୍ଡ ଟାଉନ ଅଞ୍ଚଳର ଜଣେ ନାବାଳିକା ନିଖୋଜ ହୋଇଥିଲେ । ୧୪ ତାରିଖରେ ଏନେଇ ଥାନାରେ ଅଭିଯୋଗ କରିଥିଲେ ପରିବାର ଲୋକ ।୧୭ ତାରିଖରେ ନାବାଳିକଙ୍କୁ ଉଦ୍ଧାର କରିବା ସହ ଅଭିଯୁକ୍ତ କାଳିଆକୁ ଗିରଫ କରିଥିଲା ପୋଲିସ୍ । ତେବେ ପୋଲିସ ହେପାଜତରୁ ଚକମା ଦେଇ ଫେରାର ହୋଇଯାଇଥିଲା କାଳିଆ । ଗିରଫ ଭୟରେ ବିଭିନ୍ନ ଜିଲ୍ଲାରେ ଲେବର କାମ କରୁଥିଲା । ଆଜି ଭୁବନେଶ୍ବର ଆସିଥିବାବେଳେ ତାକୁ କାବୁ କରିଛି ପୋଲିସ୍ ।