ସରପଞ୍ଚ ଗିରଫ, ଘର ବଦଳରେ ଶାରୀରିକ ସମ୍ପର୍କ ପାଇଁ ରଖିଥିଲେ ସର୍ତ୍ତ

କଳାହାଣ୍ଡି: ବନ୍ଧାହେଲେ ରସିକିଆ ସରପଞ୍ଚ । କଳାହାଣ୍ଡି ଜିଲ୍ଲା ସାଲେପାଲି ପଞ୍ଚାୟତର ସରପଞ୍ଚ ରମେଶ ଚନ୍ଦ୍ର ସାହୁଙ୍କୁ ଗିରଫ କରିଛି ଏମ୍.ରାମପୁର ଥାନା ପୋଲିସ । ବର୍ଷାରେ ଘର ଭାଙ୍ଗିଯିବା ପରେ ଯୁବତୀ ଜଣଙ୍କ ସରପଞ୍ଚଙ୍କୁ ଘର ଖଣ୍ଡିଏ ଲାଗି ଆବେଦନ କରିଥିଲେ । ଯୁବତୀଙ୍କ ଅସହାୟତାର ସୁଯୋଗ ନେଇ ଶାରୀରିକ ସମ୍ପର୍କ ରଖିବାକୁ ସର୍ତ୍ତ ରଖିଥିଲେ ସରପଞ୍ଚ ।

ବର୍ଷାରେ ଘର ଭାଙ୍ଗି ଯାଇଥିବା ବେଳେ ବାପା, ମାଆ ରୋଜକୋଟରେ ଦାଦନ ଖଟୁଛନ୍ତି । ଦାରିଦ୍ର୍ୟର ତାଡ଼ନାରେ ଜର୍ଜରିତ ହୋଇ ପଡ଼ିଥିବା ଯୁବତୀଙ୍କ ଉପରେ ସରପଞ୍ଚ ଲୋଲୁପ ଦୃଷ୍ଟି ପକାଇଥିଲେ । ଯୁବତୀ ଜଣଙ୍କ ଏନେଇ ପୋଲିସରେ ଅଭିଯୋଗ କରିଥିଲେ । ଏମ୍.ରାମପୁର ଥାନା ପୋଲିସ ପଚରାଉଚରା ପରେ ରସିକିଆ ସରପଞ୍ଚ ରମେଶ ଚନ୍ଦ୍ର ସାହୁଙ୍କୁ ଗିରଫ କରିଛି ।