ଦେଶବାସୀଙ୍କ ପାଇଁ ଖୁସି ଖବର, ଦୀପାବଳିରୁ ଆରମ୍ଭ ହେବ ଜିଓ 5G ସେବା
ନୂଆଦିଲ୍ଲୀ: ଦୀପାବଳି ଅବସରରେ ଗ୍ରାହକଙ୍କୁ ଖୁସି ଖବର ଦେବାକୁ ଯାଉଛି ଜିଓ । ଦେଶର ମହାନଗର (ମେଟ୍ରୋ ସହର) ସମେତ ଅନେକ ପ୍ରମୁଖ ସହରରେ ଆରମ୍ଭ ହେବ ୫ଜି ନେଟୱର୍କ ସୁବିଧା । ରିଲାଏନ୍ସ ଇଣ୍ଡଷ୍ଟ୍ରି ଲିମିଟେଡର ଅଧ୍ୟକ୍ଷ ମୁକେଶ ଅମ୍ବାନୀ ଆଜି ଏନେଇ ଘୋଷଣା କରିଛନ୍ତି । ଦିଲ୍ଲୀ, ମୁମ୍ବାଇ, କୋଲକାତା ଓ ଚେନ୍ନାଇରେ ପ୍ରଥମେ ଆରମ୍ଭ ହେବ ୫ଜି ସେବା ।
ଏହାପରେ ଧୀରେ ଧୀରେ ଅନ୍ୟ ସହରରେ ୫ଜି ସେବା ସୁବିଧା ମିଳିପାରିବ । ମାତ୍ର ୧୮ ମାସ ମଧ୍ୟରେ ଅର୍ଥାତ ୨୦୨୩ ସୁଦ୍ଧା ଜିଓ ୫ଜି ସେବା ଦେଶବ୍ୟାପୀ ମିଳିପାରିବ । ୫ଜି ନେଟୱର୍କ ନନ ଷ୍ଟାଣ୍ଡଆଲୋନ ୫ଜି ନେଟୱର୍କ ହେବ । ଏହା ଦେଶର ସବୁଠାରୁ ଆଡଭାନ୍ସ ୫ଜି ନେଟୱର୍କ ହେବ । ୫ଜି ବ୍ୟାଣ୍ଡ୍ରେ ହିଁ ୫ଜି ନେଟୱର୍କ ସେବା ମିଳିପାରିବ ।
୫ଜି ସେବା ଯୋଗୁଁ ଗ୍ରାହକଙ୍କୁ ଉତ୍ତମ କଭରେଜ, କ୍ଷମତା, ଗୁଣବତ୍ତା ନେଟୱର୍କ ସେବା ମିଳିପାରିବ । ୫ଜି ସେବା ଯୋଗୁଁ ମେସିନରୁ ମେସିନ ମଧ୍ୟରେ ଯୋଗାଯୋଗ ସହଜ ହୋଇପାରିବ ବୋଲି କହିଛନ୍ତି ମୁକେଶ ଅମ୍ବାନୀ ।
