ପ୍ରେମ ପାଇଁ ଅପହରଣ ନାଟକ, ୩ ମାସର ଶିଶୁକୁ ପ୍ରେମିକ ହାତରେ ଟେକି ଦେଲା ମାଆ

ଜୟପୁର : ପ୍ରେମ ଲାଗି ଶିଶୁ ଅପହରଣ ନାଟକ। ୩ ମାସର ଶିଶୁକୁ ପ୍ରେମିକ ହାତରେ ଟେକି ଦେଇ ମା କଲା ଅପହରଣ ଅଭିଯୋଗ। ଘଟଣା ଘଟିଛି ଜୟପୁର ମାଦଳା ସାହିରେ। ସୁକାନ୍ତି ଦାସ ନାମ୍ନୀ ମହିଳାଙ୍କ ଏକ ୩ ବର୍ଷର ପୁଅ ରହିଛି। ତେବେ ଗତ ୩ ତାରିଖ ରାତିରେ ଶିଶୁ ନିଖୋଜ ନେଇ ସୁକାନ୍ତି ଜୟପୁର ଟାଉନ ଥାନାରେ ଦେଇଥିଲେ ଏତଲା। ଅଭିଯୋଗକୁ ଆଧାର କରି ପୋଲିସ ତଦନ୍ତ ଆରମ୍ଭ କରିଥିଲା। ତେବେ ସେହି ଶିଶୁକୁ ଭୁବନେଶ୍ବରରେ ରହୁଥିବା ପ୍ରେମିକଙ୍କ ଜଣେ ସମ୍ପର୍କୀୟଙ୍କ ଘରୁ ଉଦ୍ଧାର କରିଛି ପୋଲିସ। ପ୍ରେମ ଲାଗି ଏହି ଅଭିଯୋଗ ମିଛ ଥିଲା ବୋଲି ପୋଲିସ କହିଛି।