ଅବ୍ୟବସ୍ଥାରେ ଜୟପୁର ଇଣ୍ଡୋର ଷ୍ଟାଡିୟମ

ନନ୍ଦିଘୋଷ ବ୍ୟୁରୋ: କ୍ରୀଡା କ୍ଷେତ୍ରରେ କୋରାପୁଟ ଜିଲ୍ଲାକୁ ଅଣଦେଖା । ପୂର୍ବ ସରକାର ସମୟରେ ହୋଇଥିବା ଇଣ୍ଡୋର ଷ୍ଟାଡିୟମ ଅବହେଳା ପାଇଁ ଖୋଜୁଛି ନିଜର ପରିଚୟ । ଜୟପୁର ଠାରେ ଥିବା ଇଣ୍ଡୋର ଷ୍ଟାଡିୟମ ମରାମତି ଅଭାବରୁ ଏବେ ଭାଙ୍ଗିରୁଜି ଗଲାଣି । କ୍ରିଡାବିତଙ୍କ ଖେଳିବା ପାଇଁ ସ୍ଥାନ ଅଭାବରୁ ଏଠାକୁ ଅଭ୍ଯାସ ପାଇଁ ଆସିଥାନ୍ତି । ହେଲେ କୌଣଶି ସୁବିଧା ସୁଯୋଗ ନଥିବାରୁ ଅସନ୍ତୋଷ ପ୍ରକାଶ କରିଛନ୍ତି ।

ଅବ୍ଯବସ୍ଥାରେ ଜୟପୁର ଇଣ୍ଡୋର ଷ୍ଟାଡିୟମ । ନାହିଁ ବିଦ୍ଯୁତ ବ୍ଯବସ୍ଥା, ସ୍ଥାନେ ସ୍ଥାନେ ଗଳୁଛି ପାଣି । କୋରାପୁଟ ଜିଲ୍ଲାର କ୍ରୀଡ଼ାର ବିକାଶ ପାଇଁ ପୂର୍ବ ସରକାରଙ୍କ ସମୟରେ ତିଆରି ହୋଇଥିଲା ଇଣ୍ଡୋର ଷ୍ଟାଡିୟମ । ହେଲେ ପ୍ରଶାସନର ଅବହେଳାରୁ ଏହା ଏବେ ଭାଙ୍ଗିବାକୁ ବସିଲାଣି । ବିଦ୍ଯୁତ ବ୍ଯବସ୍ଥା ନଥିବାରୁ ବ୍ଯାଡମିଣ୍ଟନ ଖେଳାଳି ମୁହଁ ମୋଡ଼ିଲେଣି । ଜିଲ୍ଲାରେ ସ୍ଥାନ ଅଭାବରୁ ପ୍ରତିଦିନ ପ୍ରାୟ ଶହେରୁ ଉର୍ଦ୍ଧ୍ବ ଖେଳାଳି ଏଠକୁ ଅଭ୍ଯାସ ପାଇଁ ଆସନ୍ତି । ହେଲେ ରକ୍ଷଣାବେକ୍ଷଣ ଓ ସୁବିଧା ଅଭାବରୁ ଅସନ୍ତୋଷ ପ୍ରକାଶ କରିଛନ୍ତି । ସେପଟେ ଷ୍ଟାଡିୟମକୁ ଲାଗି ରହିଥିବା ସ୍ଥାନରେ ପୌର ପରିଷଦ ପକ୍ଷରୁ ଏକ ମଲ୍ଟି କଲ୍ଯାଣ ମଣ୍ଡପ କରିବାକୁ କାମ ଆରମ୍ଭ ହୋଇଛି । ଯାହାଦ୍ବାର କ୍ରୀଡ଼ାବିତ ପ୍ରଭାବିତ ହେବା ଆଶଂକା ପ୍ରକାଶ ପାଇଛି । କଲ୍ଯାଣ ମଣ୍ଡପ ହେଲେ ଜୋରଦାର ବିରୋଧ କରାଯିବ ବୋଲି କହିଛନ୍ତି ସ୍ଥାନିୟ କାଉନସିଲର ।

ତେବେ ଜୟପୁର ଇଣ୍ଡୋର ଷ୍ଟାଡିୟମକୁ ମରାମତି କରିବାକୁ ପ୍ରସ୍ତାବ ରହିଛି ବୋଲି କହିଛନ୍ତି ଜୟପୁର ଉପ ଜିଲ୍ଲାପାଳ । ଏନେଇ ରାଜ୍ଯ ସରକାରଙ୍କ ସହ ଆଲୋଚନା କରିବେ ବୋଲି ସେ ପ୍ରତିଶ୍ରୁତି ଦେଇଛନ୍ତି । ଏହାସହ ଷ୍ଟାଡିୟମ ନିକଟରେ ମଲ୍ଟି କଲ୍ଯାଣ ମଣ୍ଡପ କାର୍ଯ୍ୟକୁ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଥିବା କହିଛନ୍ତି ଜୟପୁର ପୌର ପରିଷଦର ଅଧ୍ଯକ୍ଷ ।

କୋରାପୁଟ ଜିଲ୍ଲାରେ କ୍ରୀଡାବିତ୍ତ ମାନଙ୍କ ଅଭାବ ନାହିଁ । ଅଭାବ ରହିଛି କ୍ରୀଡା ଭିତ୍ତିଭୁମି । ପୁର୍ବରୁ ଥିବା ଭିତ୍ତିଭୁମିକୁ ପୁନଃଉଦ୍ଧାର କରାଗଲେ ଉପାନ୍ତରୁ ଅନେକ ଯୁବ ପ୍ରତିଭା ସୃଷ୍ଟି ହୋଇପାରିବେ ବୋଲି କହିଛନ୍ତି ବୁଦ୍ଧିଜୀବୀ ।