ବଜେଟ୍ ଉପସ୍ଥାପନ ପୂର୍ବରୁ GST ଆଣିଲା ଭଲ ଖବର: ଜାନୁଆରୀରେ ୧.୨୦ ଲକ୍ଷ କୋଟି GST ସଂଗ୍ରହ
1 min read
ନୂଆଦିଲ୍ଲୀ: ୨୦୨୧-୨୨ ସାଧାରଣ ବଜେଟ ଉପସ୍ଥାପନ ହେବା ଆଗରୁ ଦେଶର ଅର୍ଥନୀତି ପାଇଁ ଜିଏସଟି ଭଲ ଖବର ଆଣିଛି । ଜାନୁଆରିରେ ୧. ୨୦ ଲକ୍ଷ କୋଟି ଟଙ୍କା ଜିଏସଟି ଆଦାୟ ହୋଇଛି । ଗତବର୍ଷ ତୁଳନାରେ ୮ ପ୍ରତିଶତ ଅଧିକ ଜିଏସଟି ଆଦାୟ ହୋଇଛି । ଜାନୁଆରିରେ ମୋଟ ୧ଲକ୍ଷ ୧୯ ହଜାର ୮ଶହ ୪୭ କୋଟି ଜିଏସଟି ଆଦାୟ ହୋଇଥିବା ସୂଚନା ମିଳିଛି । ଗତ ସପ୍ତାହରେ ସଂସଦରେ ଉପସ୍ଥାପିତ ଅର୍ଥନୈତିକ ସର୍ଭେ ରିପୋର୍ଟରୁ ସ୍ପଷ୍ଟ ହୋଇଛି ଦେଶର ଅର୍ଥନୀତି ଦୁର୍ବଳ ହୋଇଛି ।
୭.୭ ପ୍ରତିଶତ ରହିଛି ଜିଡ଼ିପି ଅଭିବୃଦ୍ଧି । କିନ୍ତୁ ଆଗାମୀ ଆର୍ଥିକ ବର୍ଷରେ ଜିଡ଼ିପି ଅଭିବୃଦ୍ଧି ୧୧ ପ୍ରତିଶତ ରହିବ ବୋଲି ଆକଳନ କରାଯାଇଛି । ପୂର୍ବାନୁମାନ ସତ ହେଲେ ମଧ୍ୟ ଦୁଇ ବର୍ଷରେ ଜିଡିପି ଅଭିବୃଦ୍ଧି ମାତ୍ର ୨.୪ ପ୍ରତିଶତ ହେବ । ଗତ ତିନି ମାସରେ ଅପ୍ରତ୍ୟକ୍ଷ କର ସଂଗ୍ରହ ବଢିଥିଲେ ମଧ୍ୟ ଚଳିତ ଆର୍ଥିକ ବର୍ଷରେ ରାଜସ୍ୱ ସଂଗ୍ରହ କମିବ ବୋଲି ଅର୍ଥନୈତିକ ବିଶାରଦ ମତ ରଖିଛନ୍ତି ।
ଜାନୁଆରୀ ମାସରେ ରେକର୍ଡ GST କଲେକସନ୍
ଅର୍ଥ ମନ୍ତ୍ରଣାଳୟ ସୂଚନା ଅନୁଯାୟୀ ଗତ ଚାରିମାସ ମଧ୍ୟରେ ସରକାର GSTରୁ ୧ ଲକ୍ଷ କୋଟିରୁ ଅଧିକ ଆୟ କରୁଛନ୍ତି ଏବଂ ବର୍ତ୍ତମାନ ସମୟରେ କରୋନା ମହାମାରୀର ଗତି ହ୍ରାସ ପାଇବା ମଧ୍ୟରେ GSTରେ କ୍ରମାଗତ ବୃଦ୍ଧି ଧାରା ଦୃତ ଅର୍ଥନୈତିକ ପୁନରୁଦ୍ଧାରର ସ୍ପଷ୍ଟ ସୂଚକ ଅଟେ ।
