ସମସ୍ୟା ଘେରରେ ଯାଜପୁରର ନରସିଂହ ଚୌଧୁରୀ ମହାବିଦ୍ୟାଳୟ

ଯାଜପୁର : ସମସ୍ୟା ଘେରରେ ଯାଜପୁରର ବହୁ ପୁରାତନ ସରକାରୀ କଲେଜ ନରସିଂହ ଚୌଧୁରୀ ମହାବିଦ୍ୟାଳୟ। ମହାବିଦ୍ୟାଳୟରେ ନା ଅଛି ପିଇବା  ପାଣି , ନାଁ ଅଛି ସୁରକ୍ଷା ବ୍ୟବସ୍ଥା। ପ୍ରତ୍ୟେକ ଦିନ କଲେଜରୁ ବିଭିନ୍ନ ସାମଗ୍ରୀ  ଚୋରି ହେଉଥିବା ଶିକ୍ଷାର୍ଥୀ ଅଭିଯୋଗ କରିଛନ୍ତି। କଲେଜରେ ନାମୀଦାମୀ କମ୍ପାନୀର ଲାଗିଛି ଆକ୍ଵାଗାର୍ଡ। କିନ୍ତୁ ପାଣି ବାହାରୁନି। ଟଏଲେଟ୍ ମଧ୍ୟ କାମରେ ଆସୁନି । ବିଭିନ୍ନ ସମସ୍ୟାକୁ ନେଇ ବାରମ୍ବାର କଲେଜ୍ ଅଧ୍ୟକ୍ଷଙ୍କୁ ଅଭିଯୋଗ କଲେ ମଧ୍ୟ କେହି ଶୁଣୁ ନଥିବା କହିଛନ୍ତି ଛାତ୍ର ଛାତ୍ରୀ ।

ଏତିକିରେ ସୀମିତ ନାହିଁ କଲେଜ ସମସ୍ୟା। ଏସି ଅଛି ହେଲେ ତାର ନାହିଁ । ଏସି କନେକସରୁ ତାର କାଟି ନିଆଯାଇଛି। ଯାହାର ମୂଲ୍ୟ ଲକ୍ଷାଧିକ ଟଙ୍କା ହେବ। କଲେଜ୍ ପରିସରର ଅନାବନା ଗଛ ଉଠିଗଲାଣି। ଯୁଆଡେ ଅନେଇବ ଖାଲି ଅଳିଆ ଆବର୍ଜନା। ଅନ୍ୟପଟେ କଲେଜ୍ ଭିତରୁ ବାରମ୍ବାର କେମିତି ଚୋରି ହେଉଛି ? କିଏ ଚୋରି କରୁଛି ?  ଚୋରି ନେଇ କାହିଁକି ଥାନାରେ ଅଭିଯୋଗ କରାଯାଉ ନାହିଁ ?  ତାକୁ ନେଇ ଉଠିଛି ଅନେକ ପ୍ରଶ୍ନ ? । ସେପଟେ ଏ ସମ୍ପର୍କରେ କଲେଜ୍ ଅଧ୍ୟକ୍ଷଙ୍କୁ ପଚାରିବାରୁ ମୁଁ ଏବେ ଜାଣିଲି ବୋଲି କହିଛନ୍ତି। ସରକାରୀ କଲେଜର ଦୁରାବସ୍ଥା କେବେ ଦୂର ହେବ ତାକୁନେଇ ଚିନ୍ତା ।