ନାବାଳିକା ଗଣଦୁଷ୍କର୍ମ ମାମଲାରେ ୪ ଜଣଙ୍କୁ ୨୦ ବର୍ଷ କାରାଦଣ୍ଡ
![](https://nandighoshatv.com/wp-content/uploads/2024/07/vlcsnap-2024-07-20-23h12m57s251-1024x576.png)
ନନ୍ଦିଘୋଷ ବ୍ୟୁରୋ: ନାବାଳିକା ଗଣ ଦୁଷ୍କର୍ମ ମାମଲାରେ ୪ ଜଣଙ୍କୁ ୨୦ ବର୍ଷ କାରାଦଣ୍ଡ । ଦଣ୍ଡାଦେଶ ଦେଲେ ଯାଜପୁର ଜିଲ୍ଲା ଦୌରାଜଜ ଓ ସ୍ପେଶାଲ ପୋସ୍କୋ କୋର୍ଟ । ଯାଜପୁର ଜିଲ୍ଲା କାଳିଆପାଣି ଥାନା ଅଞ୍ଚଳର ନାବାଳିକା ଜଣକ ନିଜର ବନ୍ଧୁଙ୍କ ସହ କଳରିଙ୍ଗ ହାଟ ନିକଟସ୍ଥ ବଜାରରୁ ଖାଇସାରି ନିଜ ବାନ୍ଧବୀ ଟାଟା ମାଇନସ କଲୋନୀକୁ ଫେରୁଥିବାବେଳେ ଗଣ ଦୁଷ୍କର୍ମର ଶିକାର ହୋଇଥିଲେ । ସେହି ଅଂଚଲକର ୪ ଜଣ ଯୁବକ ସତ୍ୟବ୍ରତ ବେହେରା, ରବି ନାୟକ, ସନ୍ତୋଷ ପୃଷ୍ଟି ଓ ଉମେଶ ମହନ୍ତ ମାଡମାରି ନାବାଳିକା କଲେଜ ଛାତ୍ରୀକୁ ଗଣ ଦୁଷ୍କର୍ମ କରିଥିଲେ । ଦୁଷ୍କର୍ମ କାରୀଙ୍କ କବଳରୁ ପିଡିତା ଖସି ଯାଇ ସ୍ଥାନୀୟ ଜଣେ ବାସୀନ୍ଦାଙ୍କୁ କହିବା ପରେ ସ୍ଥାନୀୟ ଲୋକ କାଳିଆପାଣି ଥାନାକୁ ଖବର ଦେଇଥିଲେ । ମାମଲାର ବିଚାର କରି ୨୨ ଜଣ ସାକ୍ଷୀଙ୍କ ବୟାନକୁ ଭିତ୍ତି କରି ଯାଜପୁର ଅତିରିକ୍ତ ଜିଲ୍ଲା ଦୌରାଜଜ ଓ ସ୍ପେଶାଲ ପୋସ୍କୋ କୋର୍ଟ ୪ଜଣ ଦୁଷ୍କର୍ମକାରୀଙ୍କୁ ୨୦ ବର୍ଷ ଲେଖାଏଁ ଜେଲ ଦଣ୍ଡରେ ଦଣ୍ଡିତ କରିଛନ୍ତି ।