ବିନା କୋଚିଂରେ ଓଏଏସ୍ ହେଲେ ଜଗତସିଂହପୁରର ସମୀକ୍ଷା ନାୟକ

ଜଗତସିଂହପୁର: ବିନା କୋଚିଂରେ ଓଏଏସ୍ ହେଲେ ଜଗତସିଂହପୁରର ସମୀକ୍ଷା ନାୟକ । ସମୀକ୍ଷା ଓଡ଼ିଶା ପ୍ରଶାସନିକ ସେବା ପରୀକ୍ଷାରେ ୩୭ ତମ ରାଙ୍କ ହାସଲ କରିଛନ୍ତି । ବିନା କେଚିଂରେ ଏହି ସଫଳତା ହାସଲ କରିଛନ୍ତି ସେ । ଏହି ସଫଳତା ପାଇଁ ସମୀକ୍ଷା ତାଙ୍କ ସ୍ୱାମୀ ଡ.ସୁମନ ସୌରଭ ବରାଳ, ବାପା, ମା ଓ ପରିବାରବର୍ଗଙ୍କୁ ଶ୍ରେୟ ଦେଇଛନ୍ତି ।

ସମୀକ୍ଷା ସ୍କୁଲ ଓ କଲେଜ ସମୟରୁ ବେଶ୍ ଭଲ ଛାତ୍ରୀ ଥିଲେ । ସେ ବର୍ତ୍ତମାନ ଡେରାଡୁନ ସ୍ଥିତ ଏମପିଏସ୍ ଲିମିଟେଡରେ ପ୍ରୋଜେକ୍ଟ ମ୍ୟାନେଜର ଭାବେ କାର୍ଯ୍ୟରତ ଅଛନ୍ତି । ସମୀକ୍ଷାଙ୍କ ବାପା ଜଣେ ଓକିଲ ଓ ମା’ ଅବସରପ୍ରାପ୍ତ ପ୍ରାଣୀବିଜ୍ଞାନ ରିଡର୍ ହୋଇଥିବାବେଳେ ତାଙ୍କ ସ୍ୱାମୀ ବୈଜ୍ଞାନିକ ଭାବେ କାର୍ଯ୍ୟରତ ଅଛନ୍ତି । ତେବେ ଓଡ଼ିଶା ପ୍ରଶାସନିକ ସେବା ପରୀକ୍ଷାରେ କୃତକାର୍ଯ୍ୟ ହୋଇ ଜିଲ୍ଲା ପାଇଁ ଗୌରବ ଆଣିଥିବା ସମୀକ୍ଷାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି ।