‘ପିପିଲି ଲୋକେ ସଚେତନ, ସେମାନେ ନିଜ ଆଡ଼ୁ କହୁଛନ୍ତି ନବୀନ ବାବୁଙ୍କ ସହ ରହିବେ’

ଭୁବନେଶ୍ୱର: ପିପିଲି-ଉପ ନିର୍ବାଚନ ନେଇ ତାରିଖ ଘୋଷଣା ପରେ ସରଗରମ ହୋଇଛି ପିପିଲି ରାଜନୀତି । ଉପ-ନିର୍ବାଚନ ପ୍ରସଂଗରେ ପ୍ରତିକ୍ରିୟା ରଖି ଜଗତସିଂହପୁର ବିଜେଡି ବିଧାୟକ ପ୍ରଶାନ୍ତ ମୁଦୁଲି କହିଛନ୍ତି ଯେ, ପିପିଲି ଭୁବନେଶ୍ୱର ଉପକଣ୍ଠରେ ଅଛି । ସେଠାରେ ଲୋକ ସଚେତନ। ।ବିଜେପି ଲୋକଙ୍କ ମାନସିକତାକୁ ମାପି ପାରିନାହିଁ ।
ଦର ବୃଦ୍ଧି କେବଳ ସହରାଞ୍ଚଳ କି ଦିଲ୍ଲୀ ବମ୍ବେର ସମସ୍ୟା ନୁହେଁ। ଏହା ପ୍ରତି ରୋଷେଇ ଘର ଓ ପ୍ରତି ଘରର ସମସ୍ୟା। ମହିଳା ସମିତି ମିଟିଂରେ ମହିଳାମାନେ ଅଭିଯୋଗ କରୁଛନ୍ତି ଯେ ବିଜେପି ସିଲିଣ୍ଡର ଧରାଇଛନ୍ତି । ହେଲେ ଗ୍ୟାସ ୧୦୦୦ ଟଙ୍କା। ସାରା ଭାରତରେ ବିଜେପିକୁ ପ୍ରଶ୍ନବାଣର ଶିକାର ହେବାକୁ ପଡ଼ୁଛି । ପିପିଲିରେ ବିଜେପି ଦର ବୃଦ୍ଧି ଯୋଗୁ ବ୍ୟାକଫୁଟକୁ ପଳେଇଛନ୍ତି। କାରଣ ଲୋକେ ଅତିଷ୍ଠ। ଗତ ନିର୍ବାଚନଠାରୁ ଏଠାରେ ବହୁ ପରିବର୍ତ୍ତନ ହୋଇଛି । ଲୋକ ନିଜ ଆଡ଼ୁ କହୁଛନ୍ତି ନବୀନ ବାବୁଙ୍କ ସହ ରହିବେ କାରଣ ନବୀନ ସରକାରରେ ବିକାଶ ହୋଇଛି।

ଏଥିସହିତ ପଢ଼ନ୍ତୁ: ନୂଆଁଖାଇ ଭେଟି: ରବି ଫସଲ ପାଇଁ ୭୪୩ କୋଟି ଟଙ୍କାର ‘କାଳିଆ’ ସହାୟତା ପ୍ରଦାନ କରିବେ ମୁଖ୍ୟମନ୍ତ୍ରୀ