ଶ୍ରୀମନ୍ଦିର ଗର୍ଭଗୃହ ଭିତରର ଫଟୋ ଭାଇରାଲ ଘଟଣା, ପ୍ରଶାସନ ପକ୍ଷରୁ ଥାନାରେ ଏତଲା

ପୁରୀ: ଶ୍ରୀମନ୍ଦିର ଗର୍ଭଗୃହ ଭିତରର ଫଟୋ ଭାଇରଲ ଘଟଣାରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ସିଂହଦ୍ବାର ଥାନାରେ ଦିଆଯାଇଛି ଏତଲା । ଆକାଶ ଚୌଧୁରୀ ନାମକ ଫେସବୁକ ଆକାଉଣ୍ଟରୁ ଗତକାଲି ଗର୍ଭଗୃହ ଫଟୋ ଭାଇରାଲ ହୋଇଥିବା ଜଣାପଡିଥିଲା । ଭାଇରାଲ ହୋଇଥିବା ଫୋଟୋ ଗୁଡିକ ଗର୍ଭ ଗୃହ ଭିତରର ହୋଇଥିବା ବେଳେ, କିଭଳି ଓ କେଉଁ ପଡିସ୍ଥିତିରେ ଏହା ଭାଇରାଲ ହେଲା ତାର ତଦନ୍ତ କରି ହୋଇଛି କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି ।

ଏଭଳି ସମ୍ବେଦନଶୀଳ ଫଟୋ ଭାଇରାଲ କରିଥିବା ବ୍ୟକ୍ତିଙ୍କ ବିରୁଦ୍ଧରେ ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି । ଏହି ଘଟଣାକୁ ନେଇ ଗତକାଲି ଶ୍ରୀମନ୍ଦିର ଏକାଦଶୀ ସେବା ସଂଘ ପକ୍ଷରୁ ଜିଲ୍ଲାପାଳ, ଶ୍ରୀମନ୍ଦିର ମୁଖ୍ୟ ପ୍ରଶାସକ ଓ ଶ୍ରୀମନ୍ଦିର ଥାନାରେ ଅଭିଯୋଗ କରାଯାଇଥିଲା । ବାରମ୍ବାର କେମିତି ଶ୍ରୀମନ୍ଦିରର ଗଭିତର ଫଟୋ ଭାଇରାଲ ହେଉଛି ତାହା ସବୁଛି ବଡ଼ ପ୍ରଶ୍ନ  ।

ମନ୍ଦିର ଭିତରକୁ ମୋବାଇଲେ ଏବଂ କୌଣସି ଇଲେକ୍ଟ୍ରୋନିକ ସାମଗ୍ରୀ ବାରଣ ଥିବାବେଳେ ମନ୍ଦିର ଭିତର ଫଟୋ ବାରମ୍ବାର ସୋସିଆଲ ମିଡିଆରେ ଭାଇରାଲ ହେଇଛି  । ଅର୍ଥାତ ସୁରକ୍ଷା ବ୍ୟବସ୍ଥା ପ୍ରତି ଏଠି ପ୍ରଶ୍ନବାଚୀ ସୃଷ୍ଟି ହେଉଛି  । କାରଣ ଶ୍ରୀମନ୍ଦିର ଭିତରକୁ ଯିବା ପୂର୍ବରୁ ମୋବାଇଲ ଯାଞ୍ଚ କରାଯାଉଛି  । ମନ୍ଦିର ପୋଲିସ ପକ୍ଷରୁ ଯା଼୍ଚ କରାଯାଉଥିବା ସ୍ୱତେ କେମିତି ମୋବାଇଲ ପ୍ରବେଶ କରୁଛି ? ନା ସୁରକ୍ଷା ଦାୟିତ୍ୱରେ ଥିବା ଅଧିକାରୀଙ୍କ ଢିଲାପଣ ଯୋଗୁଁ ମୋବାଇଲ ଯାଇପାରୁଛି ତାହା ଏବେ ସାଧାରଣଁ ଲୋକଙ୍କ ପ୍ରଶ୍ନ  ।