ରୋହିତ, କୋହଲି କିମ୍ବା ବାବର ନୁହେଁ, କାଲିସ କହିଲେ ଏହି ଖେଳାଳି ବିଶ୍ବକପରେ ବନାଇବେ ସର୍ବାଧିକ ସ୍କୋର

ନନ୍ଦିଘୋଷ ବ୍ୟୁରୋ: ବିଶ୍ବକପ ପାଇଁ ଦିନ ଯେତିକି ପାଖଉଛି କ୍ରିଡାପ୍ରେମୀଙ୍କ ମଧ୍ୟରେ ଉତ୍କଣ୍ଠା ସେତିକି ବଢ଼ୁଛି । ଚଳି ବିଶ୍ବକପ ଭାରତରେ ଆୟୋଜନ ହେବାକୁ ଯାଉଥିବାବେଳେ କିଏ ବିଜୟୀ ହେବ ତାକୁ ନେଇ ଅନେକ ଚର୍ଚ୍ଚା ହେଉଛି । ପୂର୍ବତନ କ୍ରିକେଟରମାନେ ନିଜ ନିଜର ଆକଳନମାନ କରୁଛନ୍ତି । ଦକ୍ଷିଣ ଆଫ୍ରିକାର ପୂର୍ବତନ ଅଲରାଉଣ୍ଡର ଜ୍ୟାକ କାଲିସ ବିଶ୍ବକପକୁ ନେଇ ନିଜର ଆକଳନ କରିଛନ୍ତି । ଚଳିତ ବିଶ୍ବକପରେ କେଉଁ ଖେଳାଳି ସର୍ବାଧିକ ସ୍କୋର କରିବେ ଏହାକୁ ନେଇ ନିଜର ଆକଳନ କରିଛନ୍ତି । ତେବେ ଆପଣ ଶୁଣି ଆଶ୍ଚର୍ଯ୍ୟ ହେବେ କି, ବିରାଟ କୋହଲି, ରୋହିତ ଶର୍ମା କିମ୍ବା ପାକିସ୍ତାନୀ କ୍ରିକେଟର ବାବରଙ୍କ ନାଁକୁ ବାଛି ନାହାନ୍ତି କାଲିସ । ଭାରତରେ ବିଶ୍ବକପ ଅନୁଷ୍ଠିତ ହେବାକୁ ଥିବାବେଳେ ଭାରତୀୟ ଖେଳାଳିଙ୍କ ଉପରେ ସମସ୍ତଙ୍କ ବିଶ୍ବାସ ରହିଛି । ମାତ୍ର କାଲିସ କହିଛନ୍ତି କି, ଇଂଲଣ୍ଡର ଜସ ବଟଲର ଚଳିତ ବିଶ୍ବକପରେ ସର୍ବାଧିକ ସ୍କୋର କରିବେ । ଏପରିକି ଇଂଲଣ୍ଡ ବିଶ୍ବକପ ବିଜୟୀ ହୋଇଥିବା ଟିମର ବଟଲର ଅଧିନାୟକ ଥିବାବେଳେ ତାଙ୍କ ଖେଳ ସମ୍ପର୍କରେ ସମସ୍ତଙ୍କୁ ବେଶ ଭଲଭାବେ ଜଣାଅଛି । ଏଣୁ ସେ ସର୍ବାଧିକ ସ୍କୋର କରିବା ପାଇଁ ଦାବିଦାର । କାଲିସଙ୍କ ଏକ ଭିଡିଓକୁ ଆଇସିସି ପକ୍ଷରୁ ପୋଷ୍ଟ କରାଯାଇଥିବାବେଳେ ୟୁଜର୍ସମାନେ ଏହାକୁ ଲାଇକ, କମେଣ୍ଟ ମଧ୍ୟ କରୁଛନ୍ତି ।