ନନ୍ଦିଘୋଷ ବ୍ୟୁରୋ : ହିଜବୁଲ୍ଲା ବିରୋଧରେ ପୁଣି ରକ୍ତମୁଖା ଇସ୍ରାଏଲ। ଆରମ୍ଭ ହୋଇଛି ଅପରେସନ ନର୍ଦର୍ଣ୍ଣ ଆରୋସ। ଲେବାନନର ବିଭିନ୍ନ ହିଜବୁଲ୍ଲା ଅଧ୍ଯୁଷିତ ଅଞ୍ଚଳରେ ସୀମିତ ଗ୍ରାଉଣ୍ଡ ଅପରେସନ ଆରମ୍ଭ କରିଛି ଇସ୍ରାଏଲ। ହିଜବୁଲ୍ଲାର ପୂର୍ବତନ ନେତା ହସନ ନସରଲ୍ଲାର ମୃତ୍ଯୁ ପରେ ହିଜବୁଲ୍ଲାକୁ ଧୂଳିସାତ କରିବା ଲାଗି ଆରମ୍ଭ ହୋଇଛି ଅଭିଯାନ। ହିଜବୁଲ୍ଲାର ବିଭିନ୍ନ ଆଡ୍ଡାସ୍ଥଳୀ ଉପରେ ଇସ୍ରାଏଲ ଡିଫେନସ ଫୋର୍ସ କରିଛି ପ୍ରିସିସନ ଗ୍ରାଉଣ୍ଡ ଅପରେସନ। ଗୁଇନ୍ଦା ସୂଚନାକୁ ଆଧାର କରି ଏହି ଆକ୍ରମଣ ଚାଲିଛି। ବିଭିନ୍ନ ସୀମାନ୍ତ ଗାଁଗୁଡିକୁ ଟାର୍ଗେଟ କରାଯାଇଛି। ଗ୍ରାଉଣ୍ଡ ଅପରେସନ ଲାଗି ଇସ୍ରାଏଲ ସରକାର ଅନୁମୋଦନ ଦେବା ପରେ ଏହି ଆକ୍ରମଣ ହୋଇଛି। ଏହି ମିସନରେ ସାମିଲ ହୋଇଛନ୍ତି ଇସ୍ରାଏଲର ବାୟୁସେନା ବାହିନୀ ଓ ଆଇଡିଏଫ ଆର୍ଟେଲେରୀ। ଗତକାଲି ହୋଇଥିବା ଆକ୍ରମଣରେ ୯୫ ଜଣଙ୍କ ମୃତ୍ୟୁ ଘଟିଥିବା କହିଛି ଲେବାନନ ସ୍ବାସ୍ଥ୍ୟ ବିଭାଗ।
