କଳାହାଣ୍ଡି ଜିଲ୍ଲାର ୫ ଅଙ୍ଗନଓ୍ୱାଡି କେନ୍ଦ୍ରକୁ ଆଇଏସ୍ଓ ସାର୍ଟିଫିକେଟ୍

କଳାହାଣ୍ଡି: ଉତ୍କର୍ଷ ସେବାକୁ ମିଳିଲା ପରିଚୟ । କଳାହାଣ୍ଡି ଜିଲ୍ଲାର ୫ଟି  ଅଙ୍ଗନବାଡ଼ି କେନ୍ଦ୍ରକୁ ଆଇଏସଓ ସାର୍ଟିଫିକେଟ ମିଳିଛି । ଉଚ୍ଚମାନର ସେବା ପାଇଁ ଅଙ୍ଗନବାଡ଼ି କେନ୍ଦ୍ର ଗୁଡ଼ିକୁ ଏହି ମାନ୍ୟତା ମିଳିଛି ।  କଳାହାଣ୍ଡି ଜିଲ୍ଲାର ଲାଞ୍ଜିଗଡ଼ ଜୋନ-୨, ଜୋଡାବନ୍ଧ, କେନ୍ଦୁବରଡ଼ି, କଂସାରୀ ଏବଂ ବସନ୍ତପଡ଼ା ଅଙ୍ଗନବାଡ଼ି କେନ୍ଦ୍ରକୁ ଏହି ମାନ୍ୟତା ମିଳିଛି । ଶିଶୁ ଓ ଗର୍ଭବତୀଙ୍କୁ ସେବା ଓ ଯତ୍ନ, ହାତପାହାନ୍ତାରେ ସ୍ୱାସ୍ଥ୍ୟସେବା ଏବଂ ପୃଷ୍ଚିକର ଖାଦ୍ୟ ଯୋଗାଣରେ ପ୍ରମୁଖ ଭୂମିକା ଗ୍ରହଣ କରିଥିବାରୁ ଏହି ମାନ୍ୟତା ପ୍ରଦାନ କରାଯାଇଛି । କେନ୍ଦ୍ର ସରକାରଙ୍କ ମହିଳା ଓ ଶିଶୁ ବିକାଶ ମନ୍ତ୍ରାଳୟ ପକ୍ଷରୁ ଏହି ମାନ୍ୟତା ପ୍ରଦାନ କରାଯାଇଛି । ଅନ୍ୟପଟେ ଅଙ୍ଗନବାଡ଼ି କେନ୍ଦ୍ର ଗୁଡ଼ିକର ଉଲ୍ଲେଖନୀୟ ସେବାକୁ ନେଇ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

https://www.facebook.com/NandighoshaTV/videos/2929769343920594/