ଆମେରିକାର ଆକ୍ରମଣରେ ଆଇଏସ୍ଆଇଏସ୍ କମାଣ୍ଡର ଅବୁ ଇବ୍ରାହିମ୍ ନିହତ

ନ୍ୟୁୟର୍କ: ଆତଙ୍କବାଦ ବିରୋଧରେ ସିରିଆରେ ଆମେରିକାର ବଡ଼ଧରଣର ଆକ୍ରମଣ । ସ୍ପେଶାଲ୍ ଫୋର୍ସ ଆକ୍ରମଣରେ ନୂଆ ISIS କମାଣ୍ଡର ଅବୁ ଇବ୍ରାହିମ୍ ଅଲ ହାସିମ୍ କ୍ୟୁରାୟସୀ ମୃତ୍ୟୁ । ଆକ୍ରମଣରେ ମୋଟ ୧୩ ଜଣଙ୍କର ମୃତ୍ୟୁ ହୋଇଥିବା ହ୍ୱାଇଟହାଉସ ପକ୍ଷରୁ ସୂଚନା ଦିଆଯାଇଛି । ମୃତକଙ୍କ ମଧ୍ୟରେ କେତେଜଣ ସାଧାରଣ ଲୋକ ଓ ଛୋଟ ପିଲା ଥିବା ସୂଚନା ମିଳିଛି ।

ବଡ଼କଥା ହେଲା ୨୦୧୯ ମସିହାରେ ଯେଉଁ ଅଞ୍ଚଳରେ ଆମେରିକା ଅପରେସନ କରି ବାଗଦାଦୀକୁ ମାରିଥିଲା ସେହି ଅଞ୍ଚଳରେ ପୁଣି ଥରେ ଅପରେସନ୍ କରିଛି ଆମେରିକାର ସ୍ପେଶାଲ୍ ଫୋର୍ସ । ୨ଘଣ୍ଟା ଧରି ଅପରେସନ୍ ଚାଲିଥିବାବେଳେ ହାସିମ୍ କ୍ୟୁରାୟସୀ ନିଜ ଘରେ ବୋମା ବିସ୍ଫୋରଣ କରିଥିଲା । ଫଳରେ ତା ସହିତ ପୁରା ପରିବାରର ମୃତ୍ୟୁ ହୋଇଥିବା ଜଣାପଡ଼ିଛି । ବାଗଦାଦିର ମୃତ୍ୟୁ ପରେ କ୍ୟୁରେସି ତାହାର ସ୍ଥାନ ନେଇଥିଲା । ତାହାର ସୂଚନା ପାଇଁ ୧୦ମିଲିୟନ ଡଲାରର ପୁରସ୍କାର ରାଶି ଘୋଷଣା କରିଥିଲା ଆମେରିକା । ଓସାମା ବିନ ଲାଡେନ ଓ ବାଗଦାଦିର ହତ୍ୟା ପରେ ଆତଙ୍କବାଦ ବିରୋଧରେ ଏହା ହେଉଛି ଆମେରିକାର ବଡ଼ ସଫଳତା ।

Last night at my direction, U.S. military forces successfully undertook a counterterrorism operation. Thanks to the bravery of our Armed Forces, we have removed from the battlefield Abu Ibrahim al-Hashimi al-Qurayshi — the leader of ISIS.
https://t.co/lsYQHE9lR9

— President Biden (@POTUS) February 3, 2022