ହିନ୍ଦୀ ରାଷ୍ଟ୍ରଭାଷା ନା ନୁହେଁ ? ରାଷ୍ଟ୍ରଭାଷା ଏବଂ ରାଜଭାଷା ମଧ୍ୟରେ ପାର୍ଥକ୍ୟ କ’ଣ ?

ନୂଆଦିଲ୍ଲୀ:  ହିନ୍ଦୀ ରାଷ୍ଟ୍ରଭାଷା କି ନୁହେଁ । ଏହାକୁ ନେଇ ସୋସିଅଲ ମିଡିଆରେ ଲୋକଙ୍କ ମଧ୍ୟରେ ଚାଲିଛି ଶୀତଳ ଯୁଦ୍ଧ । ଦକ୍ଷିଣ ଭାରତୀୟ ଫିଲ୍ମ ତାରକା ଏବଂ ଉତ୍ତର ଭାରତୀୟ ଫିଲ୍ମ ତାରକା ଅଜୟ ଦେବଗନଙ୍କ ମଧ୍ୟରେ କଥା କଟାକଟି ମଧ୍ୟ ସରିଲାଣି । ମୁଖ୍ୟ ବିଷୟ ହିନ୍ଦୀ ।  ଟ୍ୱିଟରରେ ଉଭୟ ପରସ୍ପରକୁ ଜବାବ ମଧ୍ୟ ଦେଇଛନ୍ତି । ଏହି ବିବାଦ ମଧ୍ୟକୁ ନିର୍ଦ୍ଦେଶକ ରାମ ଗୋପାଳ ବର୍ମା ମଧ୍ୟ ଟାଣି ହୋଇ ଆସିଛନ୍ତି । ତେବେ ବାସ୍ତବରେ କ’ଣ ହିନ୍ଦୀ ରାଷ୍ଟ୍ରଭାଷା ନା ନୁହେଁ ? ଏହାକୁ ନେଇ ଏବେ ଆପଣ ମଧ୍ୟ ଦ୍ୱନ୍ଦରେ ପଡ଼ିଥିବେ ।  ତେବେ ବାସ୍ତବ ସତ୍ୟ କ’ଣ ଆସନ୍ତୁ ଆଲୋଚନା କରିବା ।

ହିନ୍ଦୀ ନୁହେଁ ରାଷ୍ଟ୍ରଭାଷା:

ଭାରତ ସର୍ବ ଭାଷାଭାଷୀ ଏବଂ ସର୍ବ ଧର୍ମାବଲମ୍ବୀର ରାଷ୍ଟ୍ର । ଏହା ହେଉଛି ଭାରତର ବିଶେଷତ୍ୱ ।  ଏଭଳି ସ୍ଥିତିରେ କୌଣସି ଗୋଟିଏ ଭାଷାକୁ ରାଷ୍ଟ୍ରଭାଷାର ମାନ୍ୟତା ଦିଆଯାଇନାହିଁ । ଭାରତର ଏକ ବଡ଼ ଅଂଶ ବିଶେଷରେ ହିନ୍ଦୀ ଭାଷାଭାଷୀ ଲୋକ ରୁହନ୍ତି ଏବଂ ଏହା ମଧ୍ୟ ସତ ଯେ ଅନ୍ୟ ଏକ ବଡ଼ ଅଂଶରେ ଲୋକ ନା ହିନ୍ଦୀ ବୁଝନ୍ତି ନା କୁହନ୍ତି । ଏହା ସହିତ ଗୋଟିଏ ଭାଷା ଶିଖିବା ପାଇଁ କାହାକୁ ମଧ୍ୟ ବାଧ୍ୟ କରାଯାଇନାହିଁ । ଏହା ଆମ ସମ୍ବିଧାନ ବାହରେ ।

୧୪ ସେପ୍ଟେମ୍ବର କାହିକି ପାଳିତ ହୁଏ  ହିନ୍ଦୀ ଦିବସ ?

ଯଦିଓ କୌଣସି ଭାଷା ରାଷ୍ଟ୍ରଭାଷା ନୁହେଁ ତଥାପି କାର୍ଯ୍ୟାଳୟ ମାନଙ୍କରେ କାମ ପାଇଁ ଗୋଟିଏ ଭାଷାକୁ ରାଜଭାଷା ଭାବରେ ମାନ୍ୟତା ଦିଆଯାଇଛି । ସମ୍ବିଧାନ ଭାଗ ୧୭ରେ ଏହା ବାବଦରେ ସମ୍ପୂର୍ଣ୍ଣ ବିବରଣୀ ଉଲ୍ଲେଖ ରହିଛି । ୧୪ ସେପ୍ଟେମ୍ବର ୧୯୪୯ରେ ହିନ୍ଦୀକୁ ରାଜଭାଷା ବୋଲି ମାନ୍ୟତା ଦିଆଯାଇଥିଲା, କିନ୍ତୁ ରାଷ୍ଟ୍ରଭାଷା ନୁହେଁ । ସମ୍ବିଧାନ ଭାଗ ୧୭ରେ କୁହାଯାଇଛିଯେ  ଦେଶର ରାଜଭାଷା ହିନ୍ଦୀ ଏବଂ ଲିପି ଦେବନାଗରୀ । ତାହା ହେଉଛି ମାତୃଭାଷା ଯାହା ଆମେ ଜନ୍ମରୁ ଶିଖିଥାଉ ।

ଏପର୍ଯ୍ୟନ୍ତ ଦେଶରେ କୌଣସି ଭାଷାକୁ ରାଷ୍ଟ୍ରଭାଷାର ମାନ୍ୟତା ଦିଆଯାଇନାହିଁ ।  ସମସ୍ତ ଭାଷାକୁ ଗୋଟିଏ ଭଳି ସମ୍ମାନ ମିଳିଛି ।