IPLରେ ୫ ଖେଳାଳୀଙ୍କ ଉପରେ ଲାଗିଲା ଜରିମାନା

ନନ୍ଦିଘୋଷ ବ୍ୟୁରୋ: ସବୁଠି ଆଇପିଏଲ୍‌ ଫିଭର୍‌ । ଟ୍ରଫି ହାତେଇବାକୁ ଜୋରଦାର ପ୍ରୟାସ କରୁଛନ୍ତି ସବୁ ଟିମ୍‌ । IPLରେ ଶୃଙ୍ଖଳିତ ଖେଳ ପାଇଁ ଅନେକ ନିୟମ ତିଆରି କରିଛି ବିସିସିଆଇ। ସାମାନ୍ୟ ଭୁଲ ପାଇଁ ଲାଗିଯାଉଛି ଜରିମାନା । ଚଳିତ IPLରେ ଏପର୍ଯ୍ୟନ୍ତ ମୋଟ ୫ ଜଣ ଖେଳାଳିଙ୍କୁ ଜରିମାନା ଲଗାଯାଇଛି । ଏମିତିକି ଜଣେ ଖେଳାଳି ଘରକୁ ଫେରିଛନ୍ତି। IPL 2025 ରେ ଜରିମାନା ଲାଗୁ କରିବାର ପ୍ରକ୍ରିୟା ମାର୍ଚ୍ଚ ୩୦ରୁ ଆରମ୍ଭ ହୋଇଥିବା ବେଳେ ଏବଂ ଏପ୍ରିଲ ୭ ସୁଦ୍ଧା ୫ଜଣ ଖେଳାଳୀ ଏହାର ଶିକାର ହୋଇଛନ୍ତି ।

ହାର୍ଦ୍ଦିକ ପାଣ୍ଡ୍ୟାଙ୍କୁ ୧୨ଲକ୍ଷ ଟଙ୍କା ଜରିମାନା

ହାର୍ଦ୍ଦିକ ପାଣ୍ଡ୍ୟାଙ୍କ ଠାରୁ ଜରିମାନା ଲାଗୁ ଆରମ୍ଭ ହୋଇଥିଲା। ଗୋଟିଏ ମ୍ୟାଚ୍ ପାଇଁ ବାସନ୍ଦ ହେବା ପରେ ହାର୍ଦ୍ଦିକ ପାଣ୍ଡ୍ୟା ମାର୍ଚ୍ଚ ୩୦ ରେ ମୁମ୍ବାଇ ଇଣ୍ଡିଆନ୍ସର ଦାୟିତ୍ୱ ଗ୍ରହଣ କରିଥିଲେ। କିନ୍ତୁ ଯେଉଁ ଭୁଲ ପାଇଁ ତାଙ୍କୁ ବାସନ୍ଦ କରାଯାଇଥିଲା, ସେହି ଭୁଲ ପାଇଁ ହାର୍ଦ୍ଦିକଙ୍କୁ ପୁଣି ଥରେ ଜରିମାନା ଦିଆଯାଇଥିଲା । IPL୨୦୨୫ରେ ତାଙ୍କର ପ୍ରଥମ ମ୍ୟାଚ୍‌ରେ ହାର୍ଦ୍ଦିକ ସ୍ଲୋ ଓଭର ରେଟର ଶିକାର ହୋଇଥିଲେ ଏବଂ ତାଙ୍କୁ 12 ଲକ୍ଷ ଟଙ୍କା ଜରିମାନା ଲଗାଯାଇଥିଲା ।

ରିୟାନ୍ ପରାଗଙ୍କୁ ୧୨ଲକ୍ଷ ଟଙ୍କା ଜରିମାନା

୩୦ମାର୍ଚ୍ଚରେ, ମୁମ୍ବାଇ ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କୁ ସ୍ଲୋ ଓଭର ରେଟ୍ ପାଇଁ ଜରିମାନା ଦିଆଯାଇଥିଲା, ଯେତେବେଳେ ୩୧ ମାର୍ଚ୍ଚରେ ସଞ୍ଜୁ ସାମସନଙ୍କ ସ୍ଥାନରେ ରାଜସ୍ଥାନ ରୟାଲ୍ସର ଅଧିନାୟକତ୍ୱ କରୁଥିବା ରିୟାନ ପରାଗଙ୍କୁ ସମାନ କାରଣରୁ ଜରିମାନା ଲଗାଯାଇଥିଲା ।

ଦିଗଭେସଙ୍କୁ ଦୁଇଥର ଜରିମାନା

ଏପ୍ରିଲ ୨ ତାରିଖରେ, ଲକ୍ଷ୍ନୌ ସୁପରଜିଆଣ୍ଟସ୍ ସ୍ପିନର ଦିଗବେଶ ରାଠିଙ୍କୁ ତାଙ୍କ ନୋଟବୁକ୍ ସେଲିବ୍ରେସନର ମୂଲ୍ୟ ଦେବାକୁ ପଡିଲା। ପଞ୍ଜାବ ବ୍ୟାଟସମ୍ୟାନ୍ ପ୍ରିୟାଂଶ ଆର୍ଯ୍ୟଙ୍କୁ ଆଉଟ୍ କରିବା ପରେ ସେ ଯେଉଁଭଳି ଭାବରେ ଉତ୍ସବ ପାଳନ କରିଥିଲେ, ସେଥିପାଇଁ ତାଙ୍କର ମ୍ୟାଚ୍ ଫିସ୍ ୨୫ ପ୍ରତିଶତ କଟାଯାଇଥିଲା ଏବଂ ତାଙ୍କ ଆକାଉଣ୍ଟରେ ଏକ ଡିମେରିଟ୍ ପଏଣ୍ଟ ମଧ୍ୟ ଯୋଡା ଯାଇଥିଲା। ମାତ୍ର ୨ ଦିନ ପରେ, ତାଙ୍କ ଆକାଉଣ୍ଟରେ ୧ ବଦଳରେ ୨ ଡିମେରିଟ୍ ପଏଣ୍ଟ ଆସିଥିଲା। କାରଣ, ୫ ଏପ୍ରିଲରେ ମୁମ୍ବାଇ ଇଣ୍ଡିଆନ୍ସ ବିପକ୍ଷ ମ୍ୟାଚ୍ ରେ ତାଙ୍କୁ ପୁଣି ଥରେ ଜରିମାନା ଲଗାଯାଇଥିଲା । ଏଥର ତାଙ୍କ ମ୍ୟାଚ୍ ଫି’ର ୫୦ ପ୍ରତିଶତ ଜରିମାନା ଭାବରେ କାଟି ଦିଆଯାଇଥିଲା।

ରିଷଭ ପନ୍ତଙ୍କୁ ୧୨ଲକ୍ଷ ଟଙ୍କା ଜରିମାନା

୫ ଏପ୍ରିଲରେ, ମୁମ୍ବାଇ ଇଣ୍ଡିଆନ୍ସ ବିପକ୍ଷ ମ୍ୟାଚ୍‌ରେ, ଲକ୍ଷ୍ନୌ ସୁପରଜାଏଣ୍ଟସ୍ ଅଧିନାୟକ ରିଷଭ ପନ୍ତଙ୍କୁ ସ୍ଲୋ ଓଭର ରେଟ୍ ପାଇଁ ଜରିମାନା ଦିଆଯାଇଥିଲା। ଏହା IPL 2025 ରେ ତାଙ୍କ ଦଳର ପ୍ରଥମ ଭୁଲ ହୋଇଥିବାରୁ, ତାଙ୍କୁ 12 ଲକ୍ଷ ଟଙ୍କା ଜରିମାନା ଦେବାକୁ ପଡିଲା।

ଘରକୁ ଫେରିଲେ ରାବାଡା

୨ରୁ ୫ ଏପ୍ରିଲ ମଧ୍ୟରେ, ଅର୍ଥାତ୍ ୩ ଏପ୍ରିଲରେ, ଜଣେ ଖେଳାଳି ହଠାତ୍ ଆଇପିଏଲରୁ ଘରକୁ ଫେରିବା ଖବର ଆସିଥିଲା। ବ୍ୟକ୍ତିଗତ କାରଣରୁ ଗୁଜୁରାଟ ଟାଇଟାନ୍ସର ଦ୍ରୁତ ବୋଲର କାଗିସୋ ରାବାଡାଙ୍କୁ ଘରକୁ ଫେରିବାକୁ ପଡିଲା। ଫ୍ରାଞ୍ଚାଇଜ୍ ପକ୍ଷରୁ ଏକ ବିବୃତ୍ତି ଜାରି କରାଯାଇ କୁହାଯାଇଛି ଯେ ବର୍ତ୍ତମାନ ରାବାଦାଙ୍କ ପ୍ରତ୍ୟାବର୍ତ୍ତନ ବିଷୟରେ କିଛି କୁହାଯାଇପାରିବ ନାହିଁ।

ଇଶାନ୍ତ ଶର୍ମାଙ୍କୁ ଜୋରିମାନା

ଆଜି IPL  ଖେଳରେ ଇଶାନ୍ତ ଶର୍ମାଙ୍କୁ ଜରିମାନା ଲାଗିଥିଲା । ଏଥର ଇଶାନ୍ତ ଶର୍ମାଙ୍କୁ ଲେଭଲ୍ ୱାନ୍ ପାଇଁ ଦୋଷୀ ସାବ୍ୟସ୍ତ କରାଯାଇଛି। ତାଙ୍କର ମ୍ୟାଚ୍ ଫିସ୍ ୨୫ ପ୍ରତିଶତ ହ୍ରାସ କରାଯାଇଛି।