ଅଧିନାୟକ ଭୂମିକାରେ ଆସିପାରନ୍ତି ଜାଡେଜା, ଉତ୍ସାହିତ CSK ଫ୍ୟାନ୍ସ !
1 min read
ଚେନ୍ନାଇ: ଆଇପିଏଲର ଆଗାମୀ ସିଜିନ୍ ପୂର୍ବରୁ ହେବାକୁ ଯାଉଛି ମେଗା ଅକ୍ସନ । ଏହି ଅକ୍ସନ ପୂର୍ବରୁ ମଙ୍ଗଳବାର ସମସ୍ତ ଟିମ୍ ରିଟେନସନ ତାଲିକା ଘୋଷଣା କରିଛନ୍ତି । ଚେନ୍ନାଇ ସବୁବେଳେ ତା’ର କୋର୍ ଟିମକୁ ନିଜ ପାଖରେ ରଖିଥାଏ । ଚଳିତ ଥର ମଧ୍ୟ ଚେନ୍ନାଇ ତା’ର କୋର ଟିମର କିଛି ସଦସ୍ୟଙ୍କୁ ରିଟେନ କରିଛି । ଆଗାମୀ ସିଜିନ ପାଇଁ ଚେନ୍ନାଇ ଚାରି ଜଣ ଖେଳାଳିଙ୍କୁ ରିଟେନ କରିଛି । ଏହି ଚାରି ଜଣଙ୍କ ମଧ୍ୟରେ ଅଛନ୍ତି ଅଧିନାୟକ ମହେନ୍ଦ୍ର ସିଂ ଧୋନି, ରବିନ୍ଦ୍ର ଜାଡେଜା, ଋତୁରାଜ ଗାଏକୋଡ ଏବଂ ମୋଏନ ଅଲ୍ଲୀ ।
The Legions of #Yellove! Our Chennai boys @faf1307 @DJBravo47 & this Champion Fafily! ??#EverywhereWeGo #WhistlePodu ? pic.twitter.com/i4rLyvrvkt
— Chennai Super Kings (@ChennaiIPL) December 1, 2021
ତେବେ ଏହି ରିଟେନସନ ଲିଷ୍ଟରେ ସୁରେଶ ରାଇନାଙ୍କ ନାଁ ନାହିଁ । ଯାହା ସମସ୍ତ ଚେନ୍ନାଇ ଫ୍ୟାନଙ୍କୁ ଚକିତ କରିଛି । ଚେନ୍ନାଇ ୧୬ କୋଟି ଟଙ୍କାରେ ରବିନ୍ଦ୍ର ଜାଡେଜାଙ୍କୁ ରିଟେନ କରିଛି । ସେହିପରି ଭାବରେ ମହେନ୍ଦ୍ର ସିଂ ଧୋନିଙ୍କୁ ୧୨ କୋଟିରେ ରିଟେନ କରିଛନ୍ତି । ତେବେ ଚେନ୍ନାଇର ଏହି ନିର୍ଣ୍ଣୟ ସମସ୍ତ ପ୍ରଶଂସକଙ୍କୁ ଆଶ୍ଚର୍ଯ୍ୟ ଚକିତ କରିଛି । ସିଏସକେର ଏହି ନିର୍ଣ୍ଣୟ ଦର୍ଶାଉଛି କି ଚେନ୍ନାଇ ଆଗାମୀ ଦିନ ପାଇଁ ତା’ର ରଣନୀତି ପ୍ରସ୍ତୁତ କରିବା ଆରମ୍ଭ କରିଦେଇଛି । ଆଇପିଏଲରେ ଲଗାତର ଭାବରେ ଦମଦାର ପ୍ରଦର୍ଶନ କରିବା ଫଳରେ ପ୍ରଥମ ଖେଳାଳି ଭାବରେ ଜାଡେଜାଙ୍କୁ ରିଟେନ କରିଛି ସିଏସକେ ।
The @ChennaiIPL retention list is out! ?
Take a look! ?#VIVOIPLRetention pic.twitter.com/3uyOJeabb6
— IndianPremierLeague (@IPL) November 30, 2021
ଗତ ଦୁଇ ତିନି ବର୍ଷ କଥା ଯଦି କହିବା ତାହାଲେ ରବିନ୍ଦ୍ର ଜାଡେଜା ଚେନ୍ନାଇ ପାଇଁ ଦମଦାର ପ୍ରଦର୍ଶନ କରିଆସୁଛନ୍ତି । ଖାସ୍ କରି ବ୍ୟାଟିଂ କ୍ଷେତ୍ରରେ ବେଶ୍ ପରିପ୍ୱକ ନଜର ଆସିଛନ୍ତି ଜାଡେଜା । ଜାଡେଜା ବିଗତ ଦୁଇ ସିଜିନରେ ହାରାହାରି ୪୫ରେ ରନ ସ୍କୋର କରିଛନ୍ତି । ୨୦୨୧ କଥା ଯଦି କହିବା ତାହାଲେ ଜାଡେଜା ଦମଦାର ବୋଲିଂ ପ୍ରଦର୍ଶନ କରିଥିଲେ । ୨୦୨୧ ଆଇପିଏଲରେ ୧୬ଟି ମ୍ୟାଚରେ ୧୩ ଓ୍ବିକେଟ ଅକ୍ତିଆର କରିଥିଲେ । ଜାଡେଜାଙ୍କ ଏହି ପ୍ରଦର୍ଶନ ଫଳରେ ରବିନ୍ ଉଥପ୍ପା ଏବଂ ପାର୍ଥିବ ପଟେଲଙ୍କ ଅନୁସାରେ ଜାଡେଜା ଧୋନିଙ୍କ ଉତ୍ତରାଧୀକାର ଭାବରେ ଦଳରେ ରଖିଛି ।
ରବିନ ଉଥପ୍ପା କହିଛନ୍ତି କି ‘ ଧୋନି ଜାଡେଜାଙ୍କ ମହତ୍ତ୍ବ ଜାଣିଛନ୍ତି । ତେଣୁ ଧୋନିଙ୍କ ଅବସର ପରେ ରବିନ୍ଦ୍ର ଜାଡେଜା ଚେନ୍ନାଇର ନେତୃତ୍ବ ନେଇ ପାରନ୍ତି । ସେହିପରି ଭାବରେ ଭାରତୀୟ ଦଳର ପୂର୍ବତନ ଓ୍ୱିକେଟ କିପର ବ୍ୟାଟ୍ସମ୍ୟାନ ପାର୍ଥିବ ପଟେଲ କହିଛନ୍ତି କି ରବିନ୍ଦ୍ର ଜାଡେଜା ଅନ୍ତର୍ଜାତୀୟ କ୍ରିକେଟ ଏବଂ ଚେନ୍ନାଇ ପାଇଁ ଦମଦାର ଖେଳ ପ୍ରଦର୍ଶନ କରିଛନ୍ତି । ସେଥିପାଇଁ ଜାଡେଜା ଚେନ୍ନାଇ ସୁପର କିଙ୍ଗ୍ସର ପରବର୍ତ୍ତୀ ଅଧିନାୟକ ହେବେ ବୋଲି ସେ କହିଛନ୍ତି ।
