ମୁମ୍ବାଇ: ପଞ୍ଜାବ କିଙ୍ଗ୍ସ ବିପକ୍ଷରେ ମ୍ୟାଚର ସାଢ଼େ ୩ ଘଣ୍ଟା ପୂର୍ବରୁ ଦିଲ୍ଲୀ ଟିମର ଜଣେ ଖେଳାଳି କରୋନା ପଜିଟିଭ ଚିହ୍ନଟ ହୋଇଛନ୍ତି । ଆଜି ସକାଳେ ସବୁ ଖେଳାଳିଙ୍କ କରୋନା ଟେଷ୍ଟ ହୋଇଥିଲା । ଏଥିରେ ଜଣେ ଖେଳାଳି ପଜିଟିଭ ଚିହ୍ନଟ ହୋଇଛନ୍ତି । ଏଥିରେ ମ୍ୟାଚର ସମୟ କିନ୍ତୁ ବଦଳିବ ନାହିଁ ।ହେବାକୁ ଥିବା ସମୟରେ ହିଁ ମ୍ୟାଚ୍ ଆରମ୍ଭ ହେବ । ଏହି ମ୍ୟାଚ ପୁଣେରେ ଖେଳାଯିବାର ଥିଲା କିନ୍ତୁ ଏବେ ଏହା ମୁମ୍ବାଇରେ ଖେଳାଯିବ ।
ସମସ୍ତ କରୋନା ଆକ୍ରାନ୍ତ ଏବେ ଆଇସୋଲେସନରେ ଅଛନ୍ତି । ଦିଲ୍ଲୀର ଅନ୍ୟ ସଦସ୍ୟମାନଙ୍କ କରୋନା ଟେଷ୍ଟ ପୁଣି ବୁଧବାର ସକାଳେ ହେବ। ଯଦି ରିପୋର୍ଟ କ୍ରମାଗତ ଭାବେ ନେଗେଟିଭ ଆସିବ, ତା’ହେଲେ ସେମାନଙ୍କୁ ଦିଲ୍ଲୀ କ୍ୟାପିଟାଲ୍ସର ବାୟୋ ବବଲ୍ସ ଭିତରେ ପ୍ରବେଶ ପାଇଁ ଅନୁମତି ମିଳିବ ବୋଲି ବିସିସିଆଇ ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି।
