ମୁମ୍ୱାଇ vs ପଞ୍ଜାବ; ଟସ୍ ଜିତି ବୋଲିଂ ବାଛିଲା କିଙ୍ଗ୍ସ XI ପଞ୍ଜାବ…

ଭୁବନେଶ୍ୱର: ଆଇପିଏଲ ମହାମୁକାବିଲାରେ ଆଜି କିଙ୍ଗସ୍ ଇଲଭେନ୍ ପଞ୍ଜାବକୁ ଭେଟିବ ରୋହିତଙ୍କ ମୁମ୍ୱାଇ ଇଣ୍ଡିଆନ୍ସ । କିଙ୍ଗସ୍ ଟିମ୍ ପ୍ରଥମେ ଟସ୍ ଜିତି ରୋହିତବାହୀନିଙ୍କୁ ବ୍ୟାଟିଂ କରିବାକୁ ଆମନ୍ତ୍ରଣ ଦେଇଛି ।  ଉଭୟ ଦଳ ଗୋଟିଏ ଲେଖାଏଁ ବିଜୟ ସହ ଟେବୁଲରେ ୫ ନମ୍ୱର ଓ ୬ ନମ୍ୱର ସ୍ଥାନରେ ରହିଛନ୍ତି । ଉଭୟ ଟିମ୍ ପାଇଁ ଆଜିର ବିଜୟ ଗୁରୁତ୍ୱପୂର୍ଣ୍ଣ ଅଟେ ।

ତେବେ ସବୁଠାରୁ ବଡ଼ ମୁକାବିଲା ହେଉଛିୁ ମୁମ୍ୱାଇର ବୋଲିଂ ଓ କିଙ୍ଗସ୍ ଇଲେଭେନର ବ୍ୟାଟିଂ । ମୁମ୍ୱାଇର ବୋଲିଂ ଲାଇନଅପରେ ଜସପ୍ରିତ୍ ବୁଲରାହ, ଟ୍ରେଣ୍ଟ ବୋଲ୍ଟ ଓ ପାଟିନସନଙ୍କ ଭଳି ଦକ୍ଷ ବୋଲର ରହିଥିବା ବେଳେ ପଞ୍ଜାବ ପକ୍ଷରୁ ବ୍ୟାଟିଂ ଭାର ସମ୍ଭାଳିବେ କେଏଲ ରାହୁଲ ଓ ମୟଙ୍କ ଅଗ୍ରଓ୍ୱାଲ । ଉଭୟ ଟୁର୍ଣ୍ଣାମେଣ୍ଟରେ ସବୁଠାରୁ ଅଦିକ ରନ୍ ସଂଗ୍ରହ କରିଥିବା ଖେଳାଳି ଅଟନ୍ତି ।

ଅନ୍ୟପକ୍ଷରେ ମଧ୍ୟ କ୍ରମ ବ୍ୟାଟିଂରେ ଗ୍ଲେନ ମ୍ୟାକ୍ସଓ୍ୱେଲ ଓ ନିକୋଲସ୍ ପୁରନଙ୍କ ଭଳି ଦୁର୍ଦ୍ଦଶ ବ୍ୟଟସ୍ ମ୍ୟାନଙ୍କୁ ଦେଖିବାକୁ ମିଳିବ । ସେହିଭଳି ମୁମ୍ୱାଇର ରୋହିତ୍, ଇସାନ କିଶାନ ଓ କାଇରନ୍ ପୋଲାର୍ଡ ମ୍ୟାଚ ବଦଳାଇବାର ଦକ୍ଷତା ରଖନ୍ତି । ତେବେ ଟପ୍ ୪ରେ ନିଜ ସ୍ଥାନ ବଞ୍ଚାଇ ରଖିବା ପ୍ରୟାସରେ ଦୁଇ ଦଳ ପଡ଼ିଆକୁ ଓହ୍ଲାଇବେ ।