IPL-2020: ମୟଙ୍କଙ୍କଠାରୁ ଅରେଞ୍ଜ କ୍ୟାପ୍ ଛଡ଼ାଇ ନେଲେ ରାହୁଲ, କିଏ ପାଇଲେ ପର୍ପଲ କ୍ୟାପ ?
ଆବୁଧାବି: କିଙ୍ଗ୍ସ ଇଲେଭନ ପଞ୍ଜାବ ଅଧିନାୟକ ଲୋକେଶ ରାହୁଲ ନିଜ ଟିମର ସଦସ୍ୟ ମୟଙ୍କ ଅଗ୍ରୱାଲଙ୍କ ଠାରୁ ଅରେଞ୍ଜ କ୍ୟାପ୍ ନେଇ ଯାଇଛନ୍ତି । ସେହିଭଳି ରୟାଲ ଚ୍ୟାଲେଞ୍ଜର୍ସ ବେଙ୍ଗଳୁରୁର ସ୍ପିନର ୟୁଜବେନ୍ଦ୍ର ଚହନ ନିଜ ନାଁରେ ପର୍ପଲ କ୍ୟାପ୍ ହାତେଇ ନେଇଛନ୍ତି ।
ଲୋକେଶ ରାହୁଲ ରବିବାର ଚେନ୍ନାଇ ସୁପର କିଙ୍ଗ୍ସ ବିପକ୍ଷ ମ୍ୟାଚରେ ୬୩ ରନର ଅର୍ଦ୍ଧଶତକ ପାଳି ଖେଳି ମୟଙ୍କଙ୍କ ଠାରୁ ଛଡ଼ାଇ ନେଇଛନ୍ତି ଅରେଞ୍ଜ କ୍ୟାପ୍ । ରାହୁଲ୍ ୫ଟି ମ୍ୟାଚରେ ୩୦୨ ରନ୍ କରିଛନ୍ତି । ଚଳିତ ସିଜିନରେ ସେ ଏବେ ଯାଏଁ ଗୋଟିଏ ଶତକ ସହ ୨ଟି ଅର୍ଦ୍ଧଶତକ ମାରି ସାରିଲେଣି ।
ରାହୁଲଙ୍କ ପଛରେ ଚେନ୍ନାଇର ଫାପ ଡୁ ପ୍ଲେସିସ୍ ରହିଛନ୍ତି । ଡୁ ପ୍ଲେସିସ ୫ଟି ମ୍ୟାଚ୍ ଖେଳିଥିବା ବେଳେ ୨୮୨ ରନ୍ କରିଛନ୍ତି । ରବିବାର ଡୁ ପ୍ଲେସିସ୍ ଅପରାଜେୟ ଭାବେ ୮୭ ରନ୍ କରିଥିଲେ । ଏବଂ ସେନ୍ ୱାଟସନଙ୍କ ସହିତ ଭାଗିଦାରୀରେ ୧୮୧ ରନ୍ କରି ଦଳକୁ ୧୦ ୱିକଟରେ ରେକର୍ଡ ବିଜୟ ଦେଇଥିଲେ ।
ବୋଲର ତାଲିକାରେ ସବୁଠୁ ଆଗରେ ରହିଛନ୍ତି ୟୁଜବେନ୍ଦ୍ର ଚହଲ । ସେ ୪ଟି ମ୍ୟାଚ୍ ଖେଳି ୮ଟି ୱିକେଟ୍ ନେଇଛନ୍ତି । ଚହଲଙ୍କ ସହ ଦିଲ୍ଲୀ କ୍ୟାପିଟାଲ୍ସର କୈଗିସୋ ରୱାଡ଼ା, ମୁମ୍ବାଇ ଇଣ୍ଡିଆନ୍ସର ଟ୍ରେଣ୍ଟ ବୋଲ୍ଟ ଏହି ତାଲିକାରେ ଅଛନ୍ତି ।
ଏହି ଦୁହେଁ ମଧ୍ୟ ୮ଟି ଲେଖାଏଁ ୱିକେଟ୍ ନେଇଛନ୍ତି । କିନ୍ତୁ ସବୁଠୁ ଆଗରେ ୟୁଜବେନ୍ଦ୍ର ଚହଲ ଅଛନ୍ତି । ସବୁଠୁ ଅଧିକ ରନ୍ କରିଥିବା ଖେଳାଳିଙ୍କୁ ଅରେଞ୍ଜ କ୍ୟାପ୍ ଦିଆଯାଉଥିବା ବେଳେ ଅଧିକ ୱିକେଟ୍ ନେଇଥିବା ଖେଳାଳିଙ୍କୁ ପର୍ପଲ୍ କ୍ୟାପ୍ ମିଳିଥାଏ ।
