ସୂର୍ଯ୍ୟ ନୁହେଁ ମୋ ୱିକେଟ୍ ଯିବାର ଥିଲା: ରୋହିତ ଶର୍ମା

ନୂଆଦିଲ୍ଲୀ: ଆଇପିଏଲ୍ ଫାଇନାଲ୍ ମ୍ୟାଚରେ ସୂର୍ଯ୍ୟକୁମାର ରନ୍ ଆଉଟ୍ ହେବାକୁ ନେଇ ମୁମ୍ବାଇ ଇଣ୍ଡିଆନ୍ସର ଅଧିନାୟକ ରୋହିତ ଶର୍ମା ଦୁଃଖ ପ୍ରକାଶ କରିଛନ୍ତି । ରୋହିତ କହିଛନ୍ତି- ସୂର୍ଯ୍ୟ ପାଇଁ ମୋତେ ମୋ ୱିକେଟ୍ ହରାଇବା ଅର୍ଥାତ୍ ଆଉଟ୍ ହେବାର ଥିଲା ।

ରୋହିତ ୫୧ ବଲରେ ୬୮ ରନ୍ କରିଥିଲେ । ରୋହିତଙ୍କ ରନ୍ ବଳରେ ମୁମ୍ବାଇ, ଦିଲ୍ଲୀ କ୍ୟାପିଟାଲ୍ସକୁ ୫ ୱିକେଟରେ ହରାଇଥିଲା । ରୋହିତ ବ୍ୟାଟିଂ ବେଳେ ଏକ ଭୁଲ୍ କରି ଦେଇଥିଲେ । ସମ୍ଭବ ନଥିଲେ ବି ଏକ ରନ୍ କରିବାକୁ ସୂର୍ଯ୍ୟକୁମାରଙ୍କୁ ଇସାରା ଦେଇଥିଲେ । ସୂର୍ଯ୍ୟ ମନା କରିବା ସତ୍ତ୍ୱେ ରୋହିତ ରନ୍ ନେବାକୁ ଦୌଡ଼ିଥିଲେ । ଫଳରେ ସୂର୍ଯ୍ୟଙ୍କୁ ରନ୍ ଆଉଟ୍ ହେବାକୁ ପଡ଼ିଥିଲା ।

ରୋହିତ କହିଛନ୍ତି- ସେ ଯେଉଁ ଫର୍ମରେ ଖେଳୁଥିଲେ । ମୋତେ ମୋ ଆଉଟ୍ ହୋଇଯିବାର ଥିଲା । ସୂର୍ଯ୍ୟ ପୂରା ଟୁର୍ଣ୍ଣାମେଣ୍ଟରେ ଭଲ ପ୍ରଦର୍ଶନ କରିଛନ୍ତି ଏବଂ ଆକର୍ଷଣୀୟ ସଟ୍ ଖେଳିଛନ୍ତି ।

ଅନ୍ୟପଟେ ସୂର୍ଯ୍ୟ କହିଛନ୍ତି- ମୋତେ ଆଶାଥିଲା ରୋହିତ ଟିମକୁ ବିଜୟୀ କରାଇବେ । ଏବଂ ମୋତେ ମୋ ୱିକେଟ୍  ଯିବାକୁ ନେଇ କୌଣସି ଦୁଃଖ ନାହିଁ । ରୋହିତ ଭଲ୍ ଫର୍ମରେ ଥିଲେ ଓ କ୍ରିଜରେ ତାଙ୍କ ଭୂମିକା ଗୁରୁତ୍ୱପୂର୍ଣ୍ଣ ଥିଲା । ମୋ ୱିକେଟ୍ ଯିବାରେ ଦୁଃଖ ନାହିଁ ।