ସଞ୍ଜୁ ସାମସନଙ୍କ ଅର୍ଦ୍ଧଶତକ ଚେନ୍ନାଇ ପାଇଁ ହେଲା କାଳ, ଚଳିତ ବର୍ଷ IPLର ପ୍ରଥମ ମ୍ୟାଚରେ ବାଜିମାରିଲା ରାଜସ୍ଥାନ

ଦୁବାଇ: ସଞ୍ଜୁ ସାମସନଙ୍କ ଛକା ଚଉକାର ବର୍ଷା ଭାରି ପଡ଼ିଲା ଚେନାଇ ସୁପର କିଙ୍ଗକୁ । ଷ୍ଟିଭ ସ୍ମିଥଙ୍କ ନେତୃତ୍ୱରେ ରାଜସ୍ଥାନର ଦଳ ଧୋନିଙ୍କ CSK କୁ ମାତ୍ ଦେବାରେ ସଫଳ ହୋଇଥିଲେ । ଶାରଜାହଠାରେ ଖେଳାଯାଇଥିବା ହାଇ ସ୍କୋରିଂ ମ୍ୟାଚରେ ଉଭୟ ଦଳ ୨୦୦ ରୁ ଅଧିକ ରନ୍ କରିପାରିଥିଲେ । କିନ୍ତୁ ରାଜସ୍ଥାନ ଏହି ମ୍ୟାଚକୁ ୧୬ ରନରେ ଜିତିଥିଲା।

ଏହି ମ୍ୟାଚରେ ଚେନ୍ନାଇ ଟସ୍ ଜିତି ରାଜସ୍ଥାନକୁ ପ୍ରଥମେ ବ୍ୟାଟିଂ କରିବାକୁ ସୁଯୋଗ ଦେଇଥିଲା । ଏହାର ଜବାବରେ ଯୁବ ଜସୱାଲ ରାଜସ୍ଥାନ ପାଇଁ ଅଧିନାୟକ ଷ୍ଟିଭ ସ୍ମିଥଙ୍କ ସହ ଇନିଂସ ଆରମ୍ଭ କରିଥିଲେ। ତେବେ ଜସୱାଲ ତାଙ୍କର ପ୍ରଥମ ମ୍ୟାଚରେ ଅଧିକ କିଛି କରିପାରିନଥିଲେ ଏବଂ ୬ଟି ରନ୍ ସ୍କୋର କରିବା ପରେ ପାଭିଲିୟନକୁ ଫେରିଥିଲେ। ପରବର୍ତ୍ତୀ ସମୟରେ ଦଳର ଉପ-ଅଧିନାୟକ ସଞ୍ଜୁ ସାମସନ୍ ଏବଂ ଅଧିନାୟକ ଷ୍ଟିଭ୍ ସ୍ମିଥ୍ ଇନିଂସ ପରିଚାଳନା କରିଥିଲେ ଏବଂ ବ୍ୟାଟିଂ କରି ୧୨ ଓଭରରେ ୧୩୨ରେ ସ୍କୋର କରିଥିଲେ।

୧୯ବଲରେ ସାମସନ କଲେ ଅର୍ଦ୍ଧଶତକ

ସଞ୍ଜୁ ସାମସନ ମାତ୍ର ୧୯ ବଲରେ ନିଜର ଅର୍ଦ୍ଧଶତକ ପୂରଣ କରିଥିଲେ ଏବଂ ଆଉଟ ହେବା ପୂର୍ବରୁ ୩୨ ବଲରେ ୭୪ ରନ୍ ସଂଗ୍ରହ କରିଥିଲେ। ଏହି ସମୟରେ ସେ ଗୋଟିଏ ଚାରି ଏବଂ ନଅଟି ଛକା ମଧ୍ୟ ମାରିଥିଲେ । ସେ ଆଉଟ ହେବାପରେ ପରେ ସ୍ମିଥ ଗତି ଆରମ୍ଭ କରି ୪୭ ବଲରେ ୬୯ରନ୍ ସଂଗ୍ରହ କରିଥିଲେ। ତେବେ ଏହି ଦୁଇ ଖେଳାଳି ଆଉଟ୍ ହେବା ପରେ ରାଜସ୍ଥାନର ୱିକେଟ୍ କ୍ରମାଗତ ଭାବେ ଖସିବା ଆରମ୍ଭ କରିଥିଲା ​​ଏବଂ ଏକ ସମୟରେ ଲାଗୁଥିଲା ଯେ ରୟାଲ୍ସ ୨୦୦ ସ୍କୋରରେ ପହଞ୍ଚ ପାରବ ନାହିଁ। କିନ୍ତୁ ଶେଷ ଓଭରରେ ଜୋଫ୍ରା ଆର୍ଚର ଲୁଙ୍ଗି ଏନଗିଡିଙ୍କ ବିପକ୍ଷରେ ଚାରି ବଲରେ କ୍ରମାଗତ ଚାରିଟି ଛକା ମାରି ଦଳର ସ୍କୋରକୁ ୨୦୦କୁ ନେଇଥିଲେ। ସେ ଆଠଟି ବଲରୁ ଅପରାଜିତ ୨୭ ସ୍କୋର କରି ସାତୋଟି ୱିକେଟ୍ ପାଇଁ ଦଳର ସ୍କୋରକୁ ୨୧୬କୁ ବୃଦ୍ଧି କରିଥିଲେ । ଚେନ୍ନାଇ ପାଇଁ ସାମ କରଣ ତିନୋଟି ୱିକେଟ୍ ନେଇଥିଲେ ଏବଂ ସବୁଠାରୁ ସଫଳ ବୋଲର ଥିଲେ।