ଆଜି ଭାରତୀୟ ଅଲମ୍ପିକ ସଂଘର ନିର୍ବାଚନ, ସଭାପତି ପାଇଁ ନିର୍ଦ୍ୱନ୍ଦରେ ନିର୍ବାଚିତ ହେବେ ପିଟି ଉଷା

ନୂଆଦିଲ୍ଲୀ: ଆଜି ଭାରତୀୟ ଅଲମ୍ପିକ ସଂଘ ବା ଆଇଓଏର ନିର୍ବାଚନ । ଅଧ୍ୟକ୍ଷ, ଜଣେ ବରିଷ୍ଠ ଉପାଧ୍ୟକ୍ଷ, ଦୁଇଜଣ ଉପାଧ୍ୟକ୍ଷ, ଜଣେ କୋଷାଧକ୍ଷ, ସଂଯୁକ୍ତ ସଚିବ, କାର୍ଯ୍ୟକାରୀ ପରିସଦ ସଦସ୍ୟ ପଦ ପାଇଁ ମତଦାନ ହେବ । ସଂଘର ପ୍ରଥମ ମହିଳା ସଭାପତି ହେବେ ପିଟି ଉଷା । ଏନେଇ ନିଶ୍ଚିତ ହୋଇସାରିଥିବାବେଳେ ଆଜି ଔପଚାରିକ ଘୋଷଣା କରାଯିବ । ଅଧ୍ୟକ୍ଷ ପାଇଁ ଏକମାତ୍ର ପ୍ରାର୍ଥୀ ଭାବେ ପିଟି ଉଷା ନାମାଙ୍କନ ଭରିଥିଲେ ।

ଏଣୁ ସେ ନିର୍ଦ୍ବନ୍ଦରେ ନିର୍ବାଚିତ ହେବା ନିଶ୍ଚିତ । ୫୮ ବର୍ଷୀୟ ପିଟି ଉଷା ଏସିୟ ଗେମ୍ସରେ ସ୍ବର୍ଣ୍ଣ ପଦକ ହାସଲ କରିଛନ୍ତି । 1984 ମସିହା ଅଲିମ୍ପିକ୍ସରେ ୪୦୦ ମିଟର ଦୌଡରେ କାଂଶ୍ୟ ପଦକରୁ ଅଳ୍ପକେ ବଞ୍ଚିତ ହୋଇଥିଲେ । ଅନ୍ୟ ୧୪ ଜଣ ବ୍ୟକ୍ତି ମଧ୍ୟ ଭିନ୍ନ ଭିନ୍ନ ପଦ ପାଇଁ ନାମାଙ୍କନ ଦାଖଲ କରିଛନ୍ତି । କାର୍ଯ୍ୟକାରିଣୀ ସଦସ୍ୟର ୪ପଦ ପାଇଁ ୧୨ଆଶାୟୀ ମଇଦାନରେ ଅଛନ୍ତି ।