ଖବର ପ୍ରସାରଣ ପରେ ସରପଞ୍ଚ ପ୍ରାର୍ଥୀଙ୍କ ସଫେଇ, ଭିଡିଓ ଏବେର ନୁହଁ…
ବଲାଙ୍ଗିର: ଭୋଟ୍ ପାଇଁ ମତଦାତାଙ୍କୁ ଲାଞ୍ଚ । ହାତ ଯୋଡ଼ୁଛନ୍ତି, ଫୁଲମାଳ ପିନ୍ଧୁଛନ୍ତି, ଟଙ୍କା ବଢ଼ାଇ ଦେଉଛନ୍ତି । ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଳକ ଠେମେରା ପଞ୍ଚାୟତ ସରପଞ୍ଚ ପ୍ରାର୍ଥୀ ଲକ୍ଷ୍ମୀକାନ୍ତ ବାଗ ପ୍ରଚାର ବେଳେ ଭୋଟରଙ୍କୁ ଟଙ୍କା ବାଣ୍ଟିବା ଖବର ରବିବାର ନନ୍ଦିଘୋଷ ଟିଭିରେ ପ୍ରସାରଣ ହୋଇଥିଲା । ଟଙ୍କା ବାଣ୍ଟିବାର ଭିଡିଓ ପ୍ରସାରଣ ପରେ ତଦନ୍ତ ଆରମ୍ଭ କରିଛି ଜିଲ୍ଲା ପ୍ରଶାସନ ।
ସରପଞ୍ଚ ପ୍ରାର୍ଥୀ ଲକ୍ଷ୍ମୀକାନ୍ତ ବାଗ ଟଙ୍କା ବାଣ୍ଟୁଥିବା ନେଇ ନନ୍ଦିଘୋଷ ଟିଭିରେ ଖବର ପ୍ରସାରଣ ହୋଇଥିଲା । ପ୍ରଚାର ବେଳେ ଭୋଟରଙ୍କ ହାତରେ ଧରାଇ ଦେଉଥିଲେ ୫ ଶହ ଟଙ୍କିଆ ନୋଟ୍ । ଏପରକି ନିଜ ଷ୍ଟାଟସରେ ପ୍ରଚାର ଓ ଟଙ୍କା ବାଣ୍ଟିବାର ଭିଜୁଆଲ ସେୟାର କରିଥିଲେ ଲକ୍ଷ୍ମୀକାନ୍ତ । ଅଡ଼ୁଆରେ ପଡ଼ିବା ପରେ ଦୋଷ ଛଡ଼ାଇବା ପାଇଁ ସଫେଇ ଦେଇଛନ୍ତି ସରପଞ୍ଚ ପ୍ରାର୍ଥୀ । ଭିଡିଓ ଗତ ଲକ୍ଷ୍ମୀ ପୂଜା ସମୟର । ତାଙ୍କ ବିରୋଧରେ ବିରୋଧୀ ଷଡ଼ଯନ୍ତ୍ର ରଚିଥିବା ସେ କହିଛନ୍ତି ।
