ଭୀମସାର ନର୍ସିଂ କଲେଜ ଛାତ୍ରଛାତ୍ରୀଙ୍କ ଠାରୁ ବେଆଇନ ଭାବେ ଅର୍ଥ ଆଦାୟ ଘଟଣାର ହେବ ତଦନ୍ତ
ସମ୍ବଲପୁର: ନନ୍ଦିଘୋଷ ଟିଭିର ପ୍ରଭାବ । ଭୀମସାର ନର୍ସିଂ କଲେଜ ଅଧ୍ୟକ୍ଷା ଛାତ୍ରଛାତ୍ରୀଙ୍କ ଠାରୁ ବଳପୂର୍ବକ ବେଆଇନ ଭାବେ ଅର୍ଥ ଆଦାୟ କରୁଥିବା ନେଇ ଅଭିଯୋଗ ପରେ ଗଠନ ହେଲା କମିଟି । ଭୀମସାର କର୍ତ୍ତୃପକ୍ଷ ଅଭିଯୋଗକୁ ଆଧାର କରି ଏକ ତଦନ୍ତ କମିଟି ଗଠନ କରିଛନ୍ତି । ସପ୍ତାହକ ମଧ୍ୟରେ ଏହି କମିଟି କର୍ତ୍ତୃପକ୍ଷଙ୍କୁ ରିପୋର୍ଟ ଦେବେ ।
ସୂଚନା ଅନୁସାରେ, ଭୀମସାର ନର୍ସିଂ କଲେଜ ଅଧ୍ୟକ୍ଷା ଲିଳାରାଣୀ ସ୍ୱାଇଁ ବେଆଇନ ଭାବେ ଛାତ୍ରଛାତ୍ରୀଙ୍କ ଠାରୁ ଅର୍ଥ ଆଦାୟ କରୁଥିବା ଅଭିଯୋଗ ହୋଇଥିଲା । ଛାତ୍ରଛାତ୍ରୀଙ୍କ ଠାରୁ ସାର୍ଟିଫିକେଟ ଭେରିଫିକେସନ, ୟୁନିଫର୍ମ ଓ ବହିଖାତା ଆଦି ବାବଦକୁ ଅଧିକ ୧୫ ହଜାର ଟଙ୍କା ଆଦାୟ କରୁଥିବା ଛାତ୍ରଛାତ୍ରୀ ମାନେ ଅଭିଯୋଗ କରିଥିଲେ ।
