ଅଧାରୁ ଗାଏବ ମୌସୁମୀ: ଉପକୂଳ ଜିଲ୍ଲାରେ ଅଭାବୀ ବର୍ଷା ପରିସ୍ଥିତି
ଭୁବନେଶ୍ୱର: ଅଧାରୁ ମୌସୁମୀ ଗାଏବ । ରାଜ୍ୟରେ ସମୁଦାୟ ଭାବେ ମୌସୁମୀ ବର୍ଷାର ପରିମାଣ ସ୍ୱାଭାବିକ ହୋଇଥିଲେ ମଧ୍ୟ ଉଭୟ ଜୁନ୍ ଓ ଜୁଲାଇ ମାସରେ ଉପକୂଳ ଜିଲ୍ଲାଗୁଡ଼ିକରେ ଅଭାବୀ ବର୍ଷା ପରିସ୍ଥିତି ସୃଷ୍ଟି ହୋଇଛି । ଆସନ୍ତା ୨ ସପ୍ତାହରେ ମଧ୍ୟ ରାଜ୍ୟରେ ବିଶେଷ ବର୍ଷାର ସମ୍ଭାବନା ନାହିଁ ।
ମୌସୁମୀ ଦୁର୍ବଳ ରହିବ । ଆଗକୁ ଲଘୁଚାପର ମଧ୍ୟ ସମ୍ଭାବନା ନାହିଁ । ଫଳରେ ଜୁଲାଇରେ ରାଜ୍ୟରେ ନିଅଣ୍ଟିଆ ବର୍ଷା ସ୍ଥିତି ସୃଷ୍ଟି ହେବ । ଆଞ୍ଚଳିକ ପାଣିପାଗ କେନ୍ଦ୍ରର ନିର୍ଦ୍ଦେଶକ ଏଚ୍.ଆର୍ ବିଶ୍ୱାସ କହିଛନ୍ତି । ଏବେ ରାଜ୍ୟରେ ମୌସୁମୀ ଦୁର୍ବଳ ରହିଛି । ଆସନ୍ତା କିଛି ଦିନ ବିଭିନ୍ନ ସ୍ଥାନରେ ହାଲ୍କା ବର୍ଷା ହୋଇପାରେ ।
୧୯ ତାରିଖ ପରେ ବର୍ଷା ପରିମାଣ ବଢ଼ିପାରେ । ଜୁନ୍ ଓ ଜୁଲାଇ ପର୍ଯ୍ୟନ୍ତ ଉପକୂଳ ଜିଲ୍ଲାଗୁଡ଼ିକରେ ମୌସୁମୀ ବର୍ଷା ସ୍ବାଭାବିକ ଭାବେ ନିଅଣ୍ଟିଆ ରହିଛି । ଏନେଇ କୃଷିକାର୍ଯ୍ୟରେ ବାଧା ସୃଷ୍ଟି ହୋଇଛି । ବର୍ତ୍ତମାନ ପ୍ରଚଳନଜନିତ ବର୍ଷା ବିଭିନ୍ନ ସ୍ଥାନରେ ହେଉଛି । ଉପକୂଳ ଅଞ୍ଚଳରେ ଆସନ୍ତା ୨୪ ତାରିଖ ସୁଦ୍ଧା ପ୍ରାୟ ୬୦ରୁ ୭୦ ମିଲିମିଟର ବର୍ଷା ହେବାର ସମ୍ଭାବନା ରହିଛି । ରାଜ୍ୟର ଅନ୍ୟାନ୍ୟ ସ୍ଥାନରେ ସାମାନ୍ୟ ଅଧିକ ବର୍ଷା ହୋଇପାରେ ।
ମାଛ ଗୋଦାମ୍ ବ୍ୟବସାୟୀ ପଜିଟିଭ ଚିହ୍ନଟ: ଗୋଦାମ୍ ସିଲ୍ କଲା ପ୍ରଶାସନ
