ବଢୁଛି କରୋନା… ଦେଶରେ ୨୪ ଘଣ୍ଟାରେ ୧୪ ହଜାର ୮୨୧ ଆକ୍ରାନ୍ତ, ୪୪୫ ମୃତ୍ୟୁ
ନୂଆଦିଲ୍ଲୀ: ଦେଶରେ ବଢ଼ିଚାଲିଛି କରେନା ସଂକ୍ରମଣ। ଦେଶରେ ମୋଟ ସଂକ୍ରମିତ ୪ ଲକ୍ଷ ୨୫ ହଜାର ୨୮୨ ଥିବା ବେଳେ ମୃତ୍ୟୁ ସଂଖ୍ୟା ୧୩ ହଜାର ୬୯୯କୁ ବୃଦ୍ଧି ପାଇଛି। ୨୪ ଘଣ୍ଟାରେ ୧୪ ହଜାର ୮୨୧ ଜଣ କରୋନା ସଂକ୍ରମିତ ହୋଇଥିବା ବେଳେ ୪୪୫ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଦେଶରେ ୧ ଲକ୍ଷ ୭୪ ହଜାର ୩୮୭ ସକ୍ରିୟ ସଂକ୍ରମିତ ଥିବା ବେଳେ ସୁସ୍ଥ ହେଲେଣି ୨ ଲକ୍ଷ ୩୭ ହଜାର ୧୯୬ ଜଣ।
ମହାରାଷ୍ଟ୍ରରେ ଲକ୍ଷେ ୩୨ ହଜାର ୭୫ ଜଣ ସଂକ୍ରମିତ ହୋଇଥିବା ବେଳେ ୬ ହଜାର ୧୭୦ ଜଣଙ୍କ ମୃତ୍ୟୁ ହେଲାଣି। ସେହିପରି ଦିଲ୍ଲୀରେ ୫୯ ହଜାର ୭୪୬ ଜଣ ସଂକ୍ରମିତ ହୋଇଥିବା ବେଳେ ୨ ହଜାର ୧୭୫ ଜଣଙ୍କ ମୃତ୍ୟୁ ହୋଲଣି। ଗୁଜୁରାଟରେ ୨୭ ହଜାର ୩୧୭ ଜଣ ସଂକ୍ରମଣର ଶିକାର ହୋଇଥିବା ବେଳେ ୧୬୬୪ ଜଣଙ୍କ ମୃତ୍ୟୁ ହେଲାଣି। ଏନେଇ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ପକ୍ଷରୁ ସୂଚନା ଦିଆଯାଇଛି।
ରାଜ୍ୟରେ ଆଉ ୨ଜଣ କରୋନା ସଂକ୍ରମିତଙ୍କ ମୃତ୍ୟୁ, ମୋଟ୍ ମୃତ୍ୟୁ ସଂଖ୍ୟା ୧୪କୁ ବୃଦ୍ଧି
ମହାରାଷ୍ଟ୍ରରେ ସର୍ବାଧିକ ପ୍ରଭାବ ପକାଇଛି କରୋନା । ଏଠାରେ ୫ ହଜାରରୁ ଅଧିକ ଲୋକେ ପ୍ରାଣ ହରାଇଛନ୍ତି । ସେହିଭଳି ଦିଲ୍ଲୀରେ ୨ ହଜାରରୁ ଅଧିକ ଜୀବନ ନେଇଛି ଭୂତାଣୁ । ମହାରାଷ୍ଟ୍ର ଅପେକ୍ଷା ଦିଲ୍ଲୀରେ କରୋନାର ପ୍ରଭାବ ବଢିବାରେ ଲାଗିଛି । ଜୁନ୍ ୧ ରୁ ଆଜି ପର୍ଯ୍ୟନ୍ତ ଦେଶରେ ୨ ଲକ୍ଷରୁ ଅଧିକ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏହି ସମୟରେ ମହାରାଷ୍ଟ୍ର, ଦିଲ୍ଲୀ, ତାମିଲନାଡୁ ଓ ଗୁଜରାଟରୁ ଆସିଛି ସର୍ବାଧିକ ମାମଲା ।
