୧୬-୦ରେ ଇଣ୍ଡୋନେସିଆକୁ ହରାଇଲା ଭାରତ

ନୂଆଦିଲ୍ଲୀ: ଭାରତୀୟ ହକି ଟିମ ଏସିଆ କପ ୨୦୨୨ରେ ଇଣ୍ଡୋନେସିଆ ବିପକ୍ଷରେ ବୃହତ ବିଜୟ ହାସଲ କରିଛି। ଆୟୋଜକ ଇଣ୍ଡୋନେସିଆକୁ ୧୬-୦ରେ ହରାଇ ସୁପର ୪ରେ ପ୍ରବେଶ କରିଛି ଦଳ । ଟିମ ଇଣ୍ଡିଆ ଏହି ମ୍ୟାଚରେ ରେକର୍ଡ କରି ପରିବର୍ତ୍ତୀ ପର୍ଯ୍ୟାୟ ପାଇଁ କ୍ବାଲିଫାଏ କରିଛି ।

ଅନ୍ୟପଟେ ପାକିସ୍ତାନ ହକି ଟିମ ଏହି ଟୁର୍ଣ୍ଣାମେଣ୍ଟରୁ ବାହାରିଯାଇଛି । ମ୍ୟାଚରେ ଚମତ୍କାର ପ୍ରଦର୍ଶନ ପାଇଁ ଭାରତୀୟ ଖେଳାଳି ପବନ ରାଜଭର ପ୍ଲେୟର ଅଫ ଦି ମ୍ୟାଚ ହୋଇଛନ୍ତି । ଭାରତ ଏବଂ ଇଣ୍ଡୋନେସିଆ ମଧ୍ୟରେ ଖେଳାଯାଇଥିବା ଏହି ଅତ୍ୟନ୍ତ ରୋମାଞ୍ଚକର ହୋଇଥିଲା ।

ତେବେ ଭାରତ ଦ୍ବିତୀୟ କ୍ବାଟର ଶେଷ ସୁଦ୍ଧା ୬-୦ରେ ଆଗୁଆ ରହିଥିଲା । ପରେ ଭାରତ ତୃତୀୟ ଏବଂ ଚତୁର୍ଥ କ୍ବାର୍ଟରେ ଦମଦାର ପ୍ରଦର୍ଶନ କରି ମ୍ୟାଚକୁ ୧୬-୦ରେ ଜିତି ନେଇଥିଲା ।