ଭାରତୀୟ ସେନାରେ ସାମିଲ ହେଲା ଶକ୍ତିଶାଳୀ ଆଡଭାନ୍ସ ଲାଇଟ ହେଲିକପ୍ଟର ଏମକେ-୩
1 min read
ନୂଆଦିଲ୍ଲୀ: ନଜରରୁ ବର୍ତ୍ତିବେନି ଅନୁପ୍ରବେଶକାରୀ। ସମୁଦ୍ର କୂଳରେ ଶତ୍ରୁକୁ ଦିଆଯିବ କଡ଼ା ଜବାବ । ଆହୁରି ଶକ୍ତିଶାଳୀ ହେଲା ଭାରତୀୟ ତଟରକ୍ଷୀ ବାହିନୀ । ଇଣ୍ଡିଆନ କୋଷ୍ଟଗାର୍ଡରେ ସାମିଲ ହେଲା ଶକ୍ତିଶାଳୀ ଆଡଭାନ୍ସ ଲାଇଟ ହେଲିକପ୍ଟର ଏମକେ-୩ ।
ଏହି ଅତ୍ୟାଧୁନିକ ହେଲିକପ୍ଟରଟି ସମ୍ପୂର୍ଣ୍ଣ ଘରୋଇ । ହିନ୍ଦୁସ୍ତାନ ଏରୋନଟିକ୍ସ ଲିମିଟେଡ ପକ୍ଷରୁ ଏହାର ନିର୍ମାଣ କରାଯାଇଛି । ଏହା ଏକ ମଲ୍ଟି ରୋଲ ହେଲିକପ୍ଟର । ଏଥିରେ ଅପଟିକାଲ ସେନସର ସହିତ ହାଇ ଇଣ୍ଟେନସିଟି ସର୍ଚ୍ଚ ଲାଇଟ ସୁବିଧା ରହିଛି । ଆକ୍ରମଣ ପାଇଁ ଏଥିରେ ଭାରି ମେସିନଗନ ଲଗା ଯାଇପାରିବ ।
ଏମକେ-୩କୁ ଏକ ଆମ୍ବୁଲାନ୍ସ ଭଳି ମଧ୍ୟ ଉପଯୋଗ କରାଯାଇପାରିବ । ଏହାକୁ ସମ୍ବେଦନଶୀଳ ଅଞ୍ଚଳରେ ମୁତୟନ କରାଯିବ । ଯାହା ମାଧ୍ୟମରେ ତାମିଲନାଡ଼ୁରୁ ଆନ୍ଧ୍ରପ୍ରଦେଶ ପର୍ଯ୍ୟନ୍ତ ସମୁଦ୍ର ତଟ ଉପରେ ନଜର ରଖାଯାଇପାରିବ । ଆଗକୁ ପର୍ଯ୍ୟାୟକ୍ରମେ ୧୬ଟି ଏଲଏଚ ଏମକେ-୩ ଭାରତୀୟ କୋଷ୍ଟଗାର୍ଡରେ ସାମିଲ ହେବାର ଯୋଜନା ରହିଛି ।
