ଓଡ଼ିଆ ଆଦିବାସୀ ଝିଅ ହେଲେ ଜାତିସଂଘ ମହାସଚିବଙ୍କ ଜଳବାୟୁ ପରିବର୍ତ୍ତନ ଯୁବ ପରାମର୍ଶଦାତା

ଭୁବନେଶ୍ୱର: ଓଡ଼ିଶାର ଆଦିବାସୀ ଝିଅ ଅର୍ଚ୍ଚନା ସୋରେଙ୍ଗଙ୍କ ସଫଳତା । ଅନ୍ତର୍ଜାତୀୟ ସ୍ତରରେ ଓଡ଼ିଶାର ଟେକ ରଖିଲେ ଅର୍ଚ୍ଚନା ।  ୟୁନାଇଟେଡ ନେସନର ସେକ୍ରେଟାରୀ ଜେନେରାଲଙ୍କ ଜଳବାୟୁ ପରିବର୍ତ୍ତନର ଯୁବ ପରାମର୍ଶଦାତା ଦଳରେ ସାମିଲ ହେଲେ ଅର୍ଚ୍ଚନା । ଅନ୍ତର୍ଜାତୀୟ ସ୍ତରର ଏହି ଦଳରେ ଭାରତରୁ ପ୍ରତିନିଧିତ୍ୱ କରିବେ ଅର୍ଚ୍ଚନା । ସୁନ୍ଦରଗଡର ଆଦିବାସୀ ପରିବାରରେ ଅର୍ଚ୍ଚନା ଜନ୍ମ । ଅର୍ଚ୍ଚନାଙ୍କୁ ଏହି ଦାୟିତ୍ୱ ମିଳିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ କରି ଶୁଭେଚ୍ଛା ଜଣାଇଛନ୍ତି ।

Congratulate Odisha's @SorengArchana on being chosen in UN Secretary-General’s youth advisory group on climate change. Glad to see our young leaders taking lead roles in combating climate crisis. Wish her best.

— Naveen Patnaik (@Naveen_Odisha) July 29, 2020

ଆପଣଙ୍କୁ କହି ରଖୁଛୁ ଯେ, ଜାତିସଂଘ ସୋମବାର ଏକ ବିବୃତ୍ତିରେ କହିଛି ଯେ ସୋରେଙ୍ଗ ‘ଓକିଲାତି ଏବଂ ଅନୁସନ୍ଧାନରେ ଅଭିଜ୍ଞ ଏବଂ ପାରମ୍ପାରିକ ସମ୍ପ୍ରଦାୟର ପାରମ୍ପାରିକ ଜ୍ଞାନ ଏବଂ ସାଂସ୍କୃତିକ ଆଚାର ବ୍ୟବହାରକୁ ମଜବୁତ, ସଂରକ୍ଷଣ ତଥା ପ୍ରୋତ୍ସାହିତ କରିବା ପାଇଁ କାର୍ଯ୍ୟ କରୁଛନ୍ତି’।

ସୋରେଙ୍ଗ କହିଛନ୍ତି, ‘ଆମର ପୂର୍ବଜମାନେ ପାରମ୍ପାରିକ ଜ୍ଞାନ ଏବଂ ଅଭ୍ୟାସ ଦ୍ୱାରା ଜଙ୍ଗଲ ଏବଂ ପ୍ରକୃତିକୁ ଯୁଗ ଯୁଗରୁ ରକ୍ଷା କରି ଆସିଛନ୍ତି । ଏବେ ଆମମାନଙ୍କର ପାଳି ଯେ ଆମେ ବର୍ତ୍ତମାନ ଜଳବାୟୁ ସଙ୍କଟର ମୁକାବିଲା ପାଇଁ ଅଗ୍ରିମ ମୋର୍ଚ୍ଚାରେ କାମ କରୁ । ତେବେ ଏଠାରେ ସୂଚନା ଥାଉ କି, ସୋରେଙ୍ଗ ମୁମ୍ବାଇର ଟାଟା ଇନଷ୍ଟିଚ୍ୟୁଟ୍ ଅଫ୍ ସୋସିଆଲ୍ ସାଇନ୍ସେସ୍ (ଟିସ୍) ରୁ ଅଧ୍ୟୟନ କରିଥିଲେ ଏବଂ ଟିସ୍ ଷ୍ଟୁଡେଣ୍ଟସ୍ ଆସୋସିଏସନର ପୂର୍ବତନ ସଭାପତି ମଧ୍ୟ ଥିଲେ ।