ପ୍ୟାରିସ ପାରାଅଲିମ୍ପିକ୍ସରେ ଭାରତର ମେଡାଲ ବର୍ଷା

ପ୍ୟାରିସ: ପାରାଲିମ୍ପିକ୍ସରେ ଭାରତର ଜଲୱା । ମଙ୍ଗଳବାର ଦିନ ମେଡାଲ ବର୍ଷା । ଷଷ୍ଠ ଦିନରେ ୫ଟି ପଦକ ଜିତିଲେ ଭାରତୀୟ କ୍ରୀଡ଼ାବିତ । ଯାହାମଧ୍ୟରେ ରହିଛି ୨ ରୌପ୍ୟ ଓ ୩ କାଂସ୍ୟ ପଦକ। ଦୀପ୍ତି ଜୀବନଜୀ ପଦାର୍ପଣ ପାରାଲିମ୍ପିକ୍ସରେ କାଂସ୍ୟ ପଦକ ଜିତିଥିଲେ । ମହିଳା ୪୦୦ ମିଟର ଦୌଡ଼ରେ ମେଡାଲ ଜିତିଛନ୍ତି ଦିପ୍ତୀ ଆସିଥିଲା।

ପୁରୁଷ ଉଚ୍ଚଡିଆଁରେ ଶରଦ କୁମାର ୧.୮୮ ମିଟର ସହ ରୌପ୍ୟ ପଦକ ଜିତିଛନ୍ତି । ସେହିପରି ମାରିୟାପାନ୍ ଥଙ୍ଗାଭେଲୁ ୧.୮୫ ମିଟର ପ୍ରଦର୍ଶନ ସହ କାଂସ୍ୟ ପଦକ ପାଇଛନ୍ତି । ପୁରୁଷ ଜାଭଲିନରେ ଅଜୀତ ସିଂହ ବ୍ୟକ୍ତିଗତ ଶ୍ରେଷ୍ଠ ପ୍ରଦର୍ଶନ ୬୫.୬୨ ମିଟର ଦେବା ସହ ରୌପ୍ୟ ଓ ସୁନ୍ଦର ସିଂହ ଗୁରଜାର ୬୪.୯୬ ମିଟର ଥ୍ରୋ କରି କାଂସ୍ୟ ପଦକ ପାଇଛନ୍ତି। ଏହାସହ ଭାରତର ପଦକ ସଂଖ୍ଯା ୨୦କୁ ବୃଦ୍ଧି ପାଇଛି । ଯାହାକି ଭାରତର ସର୍ବକାଳୀନ ରେକର୍ଡ । ଟୋକିଓ ପାରାଲିମ୍ପିକ୍ସରେ ଭାରତ ମୋଟ ୧୯ ପଦକ ଜିତିଥିଲା । ଚଳିତ ପାରାଅଲିମ୍ପିକ୍ସରେ ଭାରତ ଏଯାଏଁ ୩ଟି ସ୍ବର୍ଣ୍ଣ, ୭ଟି ରୌପ୍ଯ ଓ ୧୦ଟି କାଂସ୍ଯ ପଦକ ଜିତିଛି ।