ବାଛି ବାଛି ଚାଇନା ସାମଗ୍ରୀ ଉପରେ ଲାଗିବ କଟକଣା, ତାଲିକା ତିଆରି କରୁଛନ୍ତି ସରକାର

ନୂଆଦିଲ୍ଲୀ: ଗଲବାନ୍ ପରେ ଦେଶରେ ଜୋର୍ ଧରିଛି ବୟକଟ୍ ଚାଇନା ନାରା । ଚୀନ୍ ତିଆରି ସାମଗ୍ରୀ ବହିଷ୍କାର ପାଇଁ ଆନ୍ଦୋଳନ ଆରମ୍ଭ ହେଲାଣି । ଏବେ ସରକାର ନିଷ୍ପତ୍ତି ନେଇଛନ୍ତି ଚୀନ ଉପରେ କମ୍ ନିର୍ଭର କରି ନିଜେ ଆତ୍ମନିର୍ଭର ହେବେ । ଏଥିପାଇଁ କେନ୍ଦ୍ର ସରକାର ଚୀନଠାରୁ କିଣା ଯାଉଥିବା ସାମଗ୍ରୀର ତାଲିକା ପ୍ରସ୍ତୁତ ଆରମ୍ଭ କରିଛନ୍ତି ।

ତାଲିକା ପ୍ରସ୍ତୁତ ପରେ ସରକାର ଅଣଅତ୍ୟାବଶ୍ୟକୀୟ ସାମଗ୍ରୀକୁ ଚିହ୍ନଟ କରିବେ । ଚୀନ୍ ବ୍ୟତୀତ ଯେଉଁ ସାମଗ୍ରୀ ସ୍ଥାନୀୟ ସ୍ତରରେ ତିଆରି ହୋଇପାରିବ ଚିହ୍ନଟ କରାଯିବ । ଯେଉଁ କଞ୍ଚାମାଲ ଏବେ ଆମଦାନୀ ବନ୍ଦ କରିବା ସମ୍ଭବ ନୁହେଁ ଶିଳ୍ପ ବିଭାଗ ତାର ବିଶେଷ ତାଲିକା ପ୍ରସ୍ତୁତ କରିବ ।  

ଶିଳ୍ପ ବିଭାଗ, ଶିଳ୍ପ ଓ ଆଭ୍ୟନ୍ତରୀଣ ବାଣିଜ୍ୟ ପ୍ରୋତ୍ସାହନ ବିଭାଗ ସହ ସମ୍ପର୍କ କରି ତାଲିକା ମାଗିଛି । ଭାରତ ଚୀନ ଠାରୁ ଅଟୋମୋବାଇଲ୍, ଫାର୍ମସ୍ୟୁଟିକାଲ, ଖେଳଣା, ପ୍ଲାଷ୍ଟିକ, ଫର୍ଣ୍ଣିଚର ଭଳି ସାମଗ୍ରୀ ବଡ଼ ପରିମାଣରେ ଆମଦାନୀ କରିଥାଏ । ଗଲବାନ୍ ଘାଟିରେ ୨୦ ଭାରତୀୟ ସହିଦ୍ ପରେ ସରକାର କହି ଆସୁଛନ୍ତି ଚୀନ୍ ଉପରେ କମ୍ ନିର୍ଭର କରିବେ । ଆଉ ଏହି ସ୍ୱର ସାରା ଦେଶରେ ଉଠିଛି ।

ଚୀନ୍ ଉପରେ କମ୍ ନିର୍ଭର କରିବା ପାଇଁ ସରକାର ୩ଟି ଟାଇମ୍ ଲାଇନ୍ ଷ୍ଟ୍ରାଟେଜିରେ କାମ କରୁଛନ୍ତି । ସର୍ଟ ଟର୍ମ, ମିଡିୟମ୍ ଟର୍ମ ଓ ଲଙ୍ଗ ଟର୍ମ ଷ୍ଟ୍ରାଟେଜି । ଶିଳ୍ପ ବିଭାଗ ସରକାରଙ୍କୁ ଦେବାକୁ ଥିବା ତାଲିକା ପ୍ରକାରେ ସର୍ଟ ଟର୍ମରେ କଣ ପଦକ୍ଷେପ ନିଆଯିବ ସ୍ଥିର ହେବ । ଏଥିସହିତ ମିଡିୟମ୍ ଓ ଲଙ୍ଗ ଟର୍ମ ପାଇଁ ମଧ୍ୟ ଯୋଜନା ପ୍ରସ୍ତୁତ ହେବ ।

ନୀତି ବଦଳାଉଛନ୍ତି ସରକାର

ଖବର ଅନୁସାରେ, ସରକାର ଷ୍ଟ୍ରାଟେଜିରେ ପରିବର୍ତ୍ତନ ଆଣିଛନ୍ତି । ସରକାର ଏବେ ଘରୋଇ ସେକ୍ଟର ଉପରେ ଫୋକସ୍ ରଖିଛନ୍ତି । ଦୁଇ ଚାରିଦିନ ପୂର୍ବରୁ ଚାଇନିଜ୍ କମ୍ପାନୀଙ୍କ ସହ ସରକାର ବୁଝାମଣା ବାତିଲ୍ ମଧ୍ୟ କରିଥିଲେ । ରେଲୱେ, ଟେଲିକମ୍, ମେଟ୍ରୋ ଭଳି କେତକ ପ୍ରୋଜେକ୍ଟରେ ଚୀନ୍ କମ୍ପାନୀ ସହ ହୋଇଥିବା ଚୁକ୍ତି ରଦ୍ଦ ମଧ୍ୟ କରାଯାଇଛି ।

ଶେଷଥର ପାଇଁ ୪୧ ବର୍ଷ ତଳେ ଯୁଦ୍ଧ ଲଢିଥିଲା ଚୀନ୍,ଯେଉଁଥିରେ ଡ୍ରାଗନ ଭାରତଠାରୁ ୧୦ ଗୁଣ ଛୋଟ ଦେଶଠାରୁ ହାରିଥିଲା !