ନନ୍ଦିଘୋଷ ବ୍ୟୁରୋ: ଏସିଆ କପ୍ ପାଇଁ ଟିମ୍ ଇଣ୍ଡିଆ ଘୋଷଣା କରାଯାଇଛି । ଘୋଷଣା ହୋଇଥିବା ୧୫ ଜଣିଆ ଟିମର ଅଧିନାୟକ ହୋଇଛନ୍ତି ସୂର୍ଯ୍ୟକୁମାର ଯାଦବ । ଟିମ୍ ଇଣ୍ଡିଆର ସାମ୍ଭାବ୍ୟ ଖେଳାଳିଙ୍କ ମଧ୍ୟରୁ ଅଧିକାଂଶଙ୍କୁ ହିଁ ଚୂଡାନ୍ତ ଦଳରେ ସ୍ଥାନ ମିଳିଛି । ତେବେ କିଛି ଷ୍ଟାର ଖେଳାଳି ଟିମରେ ସ୍ଥାନ ପାଇବାରୁ ବଞ୍ଚିତ ହୋଇଛନ୍ତି । ବିଶେଷ କରି ଶୁବମନ ଗିଲଙ୍କୁ ନେଇ ଅଧିକ ଚର୍ଚ୍ଚା ହେଉଥିଲା । ନା କେବଳ ତାଙ୍କୁ ଟିମରେ ସ୍ଥାନ ମିଳିଛି ତାହା ନୁହେଁ, ଦଳର ଉପଅଧିନାୟକ ପଦ ବି ଦିଆଯାଇଛି ।
ଏସିଆ କପ୍ ପାଇଁ ଶୁବମନ ଗିଲ, ଅଭିଶେକ ଶର୍ମା ଏବଂ ସଞ୍ଜୁ ସ୍ୟାମସଙ୍ଗ ଉପରେ ପୁଣି ଥରେ ଚୟନକର୍ତ୍ତା ଭରସା ଦେଖାଇଛନ୍ତି । ଟି-୨୦ର ଏକ ନମ୍ବର ଖେଳାଳି ଅଭିଶେକଙ୍କ ସମେତ ଦ୍ବିତୀୟ ସ୍ଥାନରେ ଥିବା ତିଲକ ବର୍ମାଙ୍କ ଉପରେ ମଧ୍ୟ ଚୟନକର୍ତ୍ତା ଭରସା ଦେଖାଇଛନ୍ତି ।
ଟପ ଅର୍ଡରରେ ସଞ୍ଜୁ, ଅଭିଶେଷ ଏବଂ ତିଲକ ଥିବା ବେଳେ ମିଡିଲ ଅର୍ଡର ସମ୍ଭାଳିବେ ଅଧିନାୟକ ସୂର୍ଯ୍ୟକୁମାର, ହାର୍ଦ୍ଦିକ ପାଣ୍ଡ୍ୟା, ଅକ୍ଷର ପଟେଲ, ରିଙ୍କୁ ସିଂଙ୍କ ଭଳି ଖେଳାଳି । ଟିମରେ ଦ୍ବିତୀୟ ଓ୍ବିକେଟ କିପର ଏବଂ ବ୍ୟାଟ୍ସମ୍ୟାନ ଭାବେ ଜେତିଶ ଶର୍ମାଙ୍କୁ ସ୍ଥାନ ମିଳିଛି ।
ବୋଲିଂ ବିଭାଗକୁ ଦେଖିଲେ ବୁମ୍ରା ଏବଂ ଅର୍ଶଦୀପ ପେସ ଆଟାକ ସମ୍ଭାଳିବେ । ସ୍ପିନିଂ ଭାଗକୁ ଦୃଢ଼ କରିବା ପାଇଁ ଟଇମରେ ବରୁଣ ଚର୍କବର୍ତ୍ତି ଏବଂ କୁଲଦୀପ ଯାଦବ ରହିବେ ।
ଏମାନଙ୍କୁ ମିଳିଲାନି ସ୍ଥାନ
ତେବେ କିଛି ଆଡ଼ ଖେଳାଳିଙ୍କୁ ଏସିଆ କପ୍ ଟିମରେ ସ୍ଥାନ ମିଳିନାହିଁ । ଯଶ୍ବସ୍ବୀ ଜାୟସଓ୍ବାଲ, ଶ୍ରେୟସ ଆୟର, ଓ୍ବାସିଂଟନ ସୁନ୍ଦର, ମୋହମ୍ମଦ ସିରାଜଙ୍କ ପରି ଦିଗଜ ଖେଳାଳି ଟିମ ଇଣ୍ଡିଆରେ ସ୍ଥାନ ପାଇ ନାହାନ୍ତି ।
ଟିମ୍ ଇଣ୍ଡିଆ
ସୂର୍ଯ୍ୟକୁମାର ଯାଦବ (ଅଧିନାୟକ)
ଶୁବମନ ଗିଲ (ଉପଅଧିନାୟକ)
ଅଭିଶେକ ଶର୍ମା
ତିଲକ ବର୍ମା
ହାର୍ଦ୍ଦିକ ପାଣ୍ଡ୍ୟା
ଶିବମ ଦୁବେ
ଅକ୍ଷର ପଟେଲ
ଜିତେଶ ଶର୍ମା
ଜସପ୍ରିତ ବୁମ୍ରା
ବରୁଣ ଚକ୍ରବର୍ତ୍ତି
ଅର୍ଶଦୀପ ସିଂ
କୁଲଦୀପ ଯାଦବ
ସଞ୍ଜୁ ସ୍ୟାମସଙ୍ଗ
ହର୍ଷିତ ରାଣା
ରିଙ୍କୁ ସିଂ
